LatestThiruvananthapuram
പരീക്ഷാ കേന്ദ്രത്തില് സാമൂഹിക അകലം പാലിക്കാത്തതിനാല് 600പേര്ക്കെതിരെ കേസ്
ശ്രീജ.എസ്
തിരുവനന്തപുരം: പട്ടം സെന്റ് മേരീസ് ഹയര് സെക്കന്ററി സ്കൂളിലെ എന്ട്രന്സ് പരീക്ഷാ കേന്ദ്രത്തില് സാമൂഹിക അകലം പാലിക്കാത്തതിന്റെ പേരില് കണ്ടാലറിയുന്ന 600 പേര്ക്കെതിരെ കേസ്. കീം പ്രവേശന പരീക്ഷ കഴിഞ്ഞ് സാമൂഹിക അകലം പാലിക്കാതെ വിദ്യാര്ഥികളും രക്ഷിതാക്കളും പുറത്തേക്ക് വരുന്ന ചിത്രങ്ങള് വിവാദമായിരുന്നു. ഇതിന്റെ പശ്ചാത്തലത്തിലാണ് നടപടി. കഴിഞ്ഞ വ്യാഴാഴ്ചയാണ് എഞ്ചിനിയറിംഗ്, ഫാര്മസി കോഴ്സുകള്ക്കായുള്ള കീം പരീക്ഷ സര്ക്കാര് നടത്തിയത്. കോവിഡ് പ്രോട്ടോക്കോള് പാലിച്ച് സുരക്ഷ ഉറപ്പാക്കിയാണ് പരീക്ഷ നടത്തിയതെങ്കിലും കൂട്ടം കൂടി ആളുകള് പുറത്തുവന്നത് വലിയ ചര്ച്ചയ്ക്ക് വഴിയൊരുക്കിയിരുന്നു.