ടിക് ടോക് ആസ്ഥാനം ലണ്ടനിലേക്ക് മാറ്റാന് ശ്രമം; അമേരിക്കയും ആലോചനയില്
സിന്ധുമോള് ആര്
ചൈനീസ് ആപ്പെന്ന പേര് ദോഷം മാറ്റാനൊരുങ്ങി ടിക് ടോക്. ഇതിന്റെ ഭാഗമായി കമ്പനിയുടെ ആസ്ഥാനം ചൈനയില് നിന്നും ലണ്ടനിലേക്ക് മാറാനാണ് ടിക് ടോക് തയ്യാറെടുക്കുന്നത്. ഇതു സംബന്ധിച്ച് യു.കെ സര്ക്കാരുമായി ടിക് ടോക് കഴിഞ്ഞ കുറച്ചുമാസങ്ങളായി ചര്ച്ച നടത്തി വരികയാണ്. ലണ്ടനോ അനുയോജ്യമായ മറ്റേതെങ്കിലും സ്ഥലമോ ആണ് പരിഗണിക്കുന്നത്. അന്തിമ തീരുമാനം എടുത്തിട്ടില്ല.
അതുകൊണ്ട് തന്നെ ചൈനീസ് ബന്ധം ഉപേക്ഷിച്ച് കരകയറാനുള്ള ശ്രമങ്ങളിലാണ് ടിക് ടോക്. അതിന്റെ ഭാഗമായി കമ്പനിയിലെ ചില ചൈനീസ് വിദഗ്ധരെ മാറ്റി നിര്ത്തിയിരുന്നു. ഇപ്പോഴിതാ ആസ്ഥാനം ലണ്ടനിലേക്ക് മാറ്റാനുള്ള തയ്യാറെടുപ്പിലാണ് ടിക് ടോക് എന്ന് പുറത്തുവരുന്ന റിപ്പോര്ട്ടുകള് സൂചിപ്പിക്കുന്നു.
ഇതിന്റെ ഭാഗമായി കമ്പനി ബ്രിട്ടീഷ് സര്ക്കാരുമായി ചര്ച്ച നടത്തുകയാണ്. അമേരിക്കയും ടിക് ടോകിന്റെ പരിഗണനയിലുണ്ട്. ടിക് ടോക് അമേരിക്കന് കമ്പനിയായി മാറിയേക്കുമെന്ന് നേരത്തെ യുഎസിലെ ഒരു ഉന്നത ഉദ്യോഗസ്ഥന് സൂചിപ്പിച്ചിരുന്നു.