കീം പരീക്ഷ എഴുതിയ വിദ്യാര്ഥികള്ക്ക് പിന്നാലെ രക്ഷിതാവിനും കോവിഡ്
സിന്ധുമോള് ആര്
തിരുവനന്തപുരം : എന്ട്രന്സ് പ്രവേശനപ്പരീക്ഷയ്ക്ക് വിദ്യാര്ത്ഥിയ്ക്കൊപ്പം കൂട്ടുവന്ന രക്ഷിതാവിനും കോവിഡ് സ്ഥിരീകരിച്ചു. മണക്കാട് സ്വദേശിയായ രക്ഷിതാവിനാണ് കോവിഡ് കണ്ടെത്തിയത്. ഇയാള് കോട്ടണ് ഹില് സ്കൂളിലാണ് കുട്ടിയെയും കൊണ്ട് എത്തിയത്. പരീക്ഷ തീരുന്നതു വരെ ഇയാള് സ്കൂള് പരിസരത്ത് ഉണ്ടായിരുന്നു. പ്രവേശനപ്പരീക്ഷയ്ക്ക് സ്കൂളില് എത്തിയവര് ജാഗ്രത പുലര്ത്താന് അധികൃതര് ആവശ്യപ്പെട്ടു.
കീം എന്ട്രന്സ് പരീക്ഷ എഴുതിയ രണ്ട് വിദ്യാര്ത്ഥികള്ക്ക് നേരത്തെ കോവിഡ് സ്ഥിരീകരിച്ചിരുന്നു. തൈക്കാട് കേന്ദ്രത്തില് പരീക്ഷ എഴുതിയ പൊഴിയൂര് സ്വദേശിക്കും കരമനയില് പരീക്ഷ എഴുതിയ കരകുളം സ്വദേശിക്കുമാണ് രോഗം സ്ഥിരീകരിച്ചത്. കരകുളം സ്വദേശിക്ക് നേരത്തെ രോഗ ലക്ഷണം ഉണ്ടായിരുന്നതിനാല് പ്രത്യേക മുറിയിലാണ് പരീക്ഷ എഴുതിയത്.
പൊഴിയൂര് സ്വദേശിക്കൊപ്പം പരീക്ഷ വിദ്യാര്ത്ഥികളുടെ പട്ടിക പ്രവേശന പരീക്ഷാ കമ്മീഷണര് ആരോഗ്യവകുപ്പിന് കൈമാറിയിട്ടുണ്ട്. ഈ വിദ്യാര്ത്ഥികളെ മുഴുവന് നിരീക്ഷണത്തിലാക്കും. ട്രിപ്പിള് ലോക് ഡൗണിനിടെ തിരുവനന്തപുരത്ത് പ്രവേശന പരീക്ഷ നടത്തിയത് വന് വിവാദമായിരുന്നു.