തിരുവനന്തപുരം മേയര് കെ ശ്രീകുമാര് സ്വയം നിരീക്ഷണത്തില്
ശ്രീജ.എസ്
തിരുവനന്തപുരം: കോര്പ്പറേഷന് മേയര് കെ ശ്രീകുമാര് സ്വയം നിരീക്ഷണത്തില്. കോര്പ്പറേഷനിലെ കൂടുതല് കൗണ്സിലര്മാര്ക്ക് കൊവിഡ് സ്ഥിരീകരിച്ചതിനെ തുടര്ന്നാണ് മേയര് സ്വയം നിരീക്ഷണത്തില് പോയത്. രണ്ടുദിവസമായി ഏഴ് കൗണ്സിലര്മാര്ക്കാണ് രോഗം സ്ഥിരീകരിച്ചത്. നഗരത്തിലും കൊവിഡ് വ്യാപനം രൂക്ഷമാണ്.
പൂന്തുറയിലും പരിസരങ്ങളിലും കൂടുതല് കൊവിഡ് കേസുകള് റിപ്പോര്ട്ടുചെയ്യുകയാണ്. ചുമട്ടുതൊഴിലാളികള്ക്ക് രോഗം ബാധിച്ചതിനെ തുടര്ന്ന് മൂന്ന് ദിവസത്തേക്ക് ചാല മാര്ക്കറ്റ് അടച്ചിടാന് വ്യാപാരികള് സംയുക്തമായി തീരുമാനിച്ചിരുന്നു.ജില്ലയിലെ സമ്പര്ക്കരോഗികളുടെ എണ്ണത്തില് ആശങ്കാജനകമായ വര്ദ്ധനയാണ് ഉണ്ടായത്. 222 പേര്ക്കാണ് ഇന്നലെ ജില്ലയില് കൊവിഡ് സ്ഥിരീകരിച്ചത്. ഇന്നലെ നാല് പേരുടെ മരണകാരണം കൊവിഡ് ആണെന്ന് സ്ഥിരീകരിച്ചിരുന്നു.