![“Manju”](https://santhigirinews.org/wp-content/uploads/2020/04/YOUTUBE.jpg")
ശ്രീജ.എസ്
കോവിഡ് വളരെയേറെ ബാധിച്ച ബ്രിട്ടനില്‍ പൊതുഗതാഗതത്തിനുള്ള ബസുകളില്‍ എയര്‍ പ്യൂരിഫയറുകള്‍ പരീക്ഷിക്കാനൊരുങ്ങുകയാണ് സര്‍ക്കാര്‍
കോവിഡ് വായുവിലൂടെ പടരുന്നത് തടയാനാണ് യു.കെ സര്‍ക്കാര്‍ വലിയ ചിലവില്‍ പുതിയ പദ്ധതി നിലവില്‍ കൊണ്ടുവരുന്നത്. വായു ശുദ്ധമായി സൂക്ഷിക്കാനും വൈറസ് മുക്തമാക്കാനും പ്രദേശിക തലം മുതല്‍ ബസുകളില്‍ എയര്‍ ഫില്‍ട്ടറുകള്‍ സ്ഥാപിക്കുന്നുണ്ട്. മാരകമായ വൈറസുകളും അണുക്കളും ഉള്‍പ്പെടെ വായുവിലുള്ള 95 ശതമാനം കണികാ പദര്‍ഥങ്ങളും എയര്‍ ബബ്ള്‍ (AirBubbl) ഫില്‍ട്ടര്‍ എന്ന് പേരായ ഉപകരണം ഫില്‍ട്ടര്‍ ചെയ്ത് കളയും. ഇതിലൂടെ യാത്രക്കാരും ജീവനക്കാരും സുരക്ഷിതരാവുകയും ചെയ്യും.
നിലവില്‍ പ്രദേശികമായി ബസുകളില്‍ ഫില്‍ട്ടറുകള്‍ സ്ഥാപിച്ചുതുടങ്ങിയിട്ടുണ്ട്. വായുമലിനീകരണം കുറക്കാനുള്ള ഉപകരണങ്ങള്‍ നിര്‍മിക്കുന്ന എയര്‍ലാബ്സ് എന്ന കമ്പനിയാണ് ബസുകള്‍ക്കുള്ള എയര്‍ ഫില്‍ട്ടറുകളും നിര്‍മിക്കുന്നത്.
