ഓരോ ഇന്ത്യക്കാരനും ഇനി മുതൽ ആരോഗ്യ ഐഡി; വിപ്ലവകരമായ തീരുമാനവുമായി നരേന്ദ്രമോദി

സ്വാതന്ത്ര്യ ദിനത്തോടനുബന്ധിച്ച് പ്രധാനമന്ത്രി നരേന്ദ്ര മോദി ഓരോ ഇന്ത്യക്കാരനും ആധാർ പോലുള്ള ആരോഗ്യ ഐഡി പുറത്തിറക്കുമെന്ന് പ്രഖ്യാപിച്ചിരിക്കുന്നു. അത് നിങ്ങളുടെ എല്ലാ മെഡിക്കൽ പരിശോധന റിപ്പോർട്ടുകളും കുറിപ്പുകളും രോഗചരിത്രവും സൂക്ഷിക്കും. രാജ്യത്തെ ആരോഗ്യമേഖലയിൽ ഒരു വിപ്ലവം കൊണ്ടുവരുമെന്ന് പ്രധാനമന്ത്രി മോദി ചെങ്കോട്ടയുടെ കൊത്തളങ്ങളിൽ നിന്ന് രാജ്യത്തെ അഭിസംബോധന ചെയ്തു പറഞ്ഞു. ദേശീയ ഡിജിറ്റല്‍ ആരോഗ്യ മിഷനും ( National Digital Health Mission (NDHM) പ്രഖ്യാപിച്ചു.

ഇന്ന് മുതൽ രാജ്യത്ത് ഒരു പുതിയ ക്യാംപെയിൻ ആരംഭിക്കാൻ പോകുന്നു. ഇത് ദേശീയ ഡിജിറ്റൽ ഹെൽത്ത് മിഷനാണ്. ദേശീയ ഡിജിറ്റൽ ഹെൽത്ത് മിഷൻ ഇന്ത്യയിലെ ആരോഗ്യ മേഖലയിൽ ഒരു പുതിയ വിപ്ലവം കൊണ്ടുവരുമെന്നും പ്രധാനമന്ത്രി പറഞ്ഞു. ഒരു ഹെൽത്ത് ഐഡിയിൽ എല്ലാ പരിശോധനയുടെയും, എല്ലാ രോഗങ്ങളുടെയും വിവരങ്ങൾ, ഏത് മരുന്ന് നിങ്ങൾക്ക് നിർദ്ദേശിച്ചു, ഏത് ഡോക്ടർ, റിപ്പോർട്ടുകൾ എന്തായിരുന്നു എല്ലാ ഉൾപ്പെടുമെന്നും മോദി കൂട്ടിച്ചേർത്തു.

ആയുഷ്മാൻ ഭാരത് പ്രധാൻ മന്ത്രി ജൻ ആരോഗ്യ യോഗ (എബി പിഎം-ജയ്) യുടെ കീഴിൽ വരുന്ന ദേശീയ ഡിജിറ്റൽ ഹെൽത്ത് മിഷൻ (എൻ‌ഡി‌എച്ച്എം) രാജ്യത്തെ ആരോഗ്യ സേവനങ്ങളുടെ കാര്യക്ഷമത, ഫലപ്രാപ്തി, സുതാര്യത എന്നിവ മെച്ചപ്പെടുത്തുമെന്ന് പ്രതീക്ഷിക്കുന്നതായി സർക്കാർ അറിയിച്ചു.