ശ്രീജ.എസ്
കൊച്ചി : കേരള ഹൈക്കോടതിയിലേക്ക് നാല് പുതിയ ജഡ്ജിമാരെ നിയമിക്കാന് സുപ്രീംകോടതി കൊളീജിയം ശുപാര്ശ ചെയ്തു. തിരുവനന്തപുരം പ്രിന്സിപ്പല് ജില്ലാ ജഡ്ജി കരുണാകര ബാബു, എറണാകുളം പ്രിന്സിപ്പല് ജില്ലാ ജഡ്ജി കൗസര് എടപ്പഗത്ത്, എറണാകുളം ആലുവ സ്വദേശിയായ അഡ്വ. മുരളി പുരുഷോത്തമന്, എറണാകുളം തൃക്കാക്കര സ്വദേശിയായ അഡ്വ. എ.എ. സിയാദ് റഹ്മാന് എന്നിവരുടെ പേരുകളാണ് ശിപാര്ശ ചെയ്തത്. സുപ്രീംകോടതിയുടെ ശിപാര്ശയില് അന്തിമ തീരുമാനമെടുക്കേണ്ടത് കേന്ദ്രസര്ക്കാരാണ്.