ശ്രീജ.എസ്
മുംബൈ: കൊറോണ വ്യാപനം പരിഗണിച്ച് ആര്ബിഐ പ്രഖ്യാപിച്ച വായ്പാ പുനഃക്രമീകരണത്തിന്റെ വ്യവസ്ഥകള് പുറത്തുവരാന് ബാങ്കുകള് കാത്തിരിക്കേണ്ടതില്ലെന്ന് ആര്ബിഎെ ഗവര്ണര് ശക്തി കാന്ത ദാസ്. ബിസിനസ് വായ്കള് സംബന്ധിച്ച വ്യവസ്ഥകളാണ് കെ.വി. കാമത് അധ്യക്ഷനായ സമിതി തീരുമാനിക്കുകയെന്നും പേഴ്സണല് വായ്പകളുടെ വ്യവസ്ഥകള് അതത് ബാങ്കുകളുടെ ബോര്ഡുകള്ക്കു തീരുമാനിക്കാമെന്നും ദാസ് കൂട്ടിച്ചേര്ത്തു. കെ.വി കാമത് അധ്യക്ഷനായ സമിതി വായ്പാ പുനഃക്രമീകരണത്തിനുള്ള വ്യവസ്ഥകള് അടുത്തമാസം ആറിനു പ്രഖ്യാപിക്കുമെന്നാണ് അറിയിച്ചിരിക്കുന്നത്.