KeralaLatestThiruvananthapuram
ആയുധശാലയിലേക്ക് പോയ കരസേനയുടെ വാഹനം അപകടത്തില്പ്പെട്ടു
സിന്ധുമോള് ആര്
കൊച്ചി: മധ്യപ്രദേശിലെ ജബല്പുരിലെ ആയുധശാലയിലേക്ക് പോയ കരസേനയുടെ വാഹനം കൊച്ചിയില് അപകടത്തില്പ്പെട്ടു. കുണ്ടന്നൂര് പാലത്തില്വച്ച് വ്യാഴാഴ്ച പുലര്ച്ചെയാണ് സംഭവം. ഇതേ തുടര്ന്ന് ആയുധങ്ങളടങ്ങിയ വാഹനം കൊച്ചി നാവിക ആസ്ഥാനത്തേക്ക് മാറ്റി.
കൊച്ചി തുറമുഖത്തെത്തിച്ച ആയുധശേഖരം ജബല്പൂരിലെ സൈനിക ആസ്ഥാനത്തേക്ക് കൊണ്ടുപോകാനായിരുന്നു കരസേനയുടെ നീക്കം. എന്നാല് കുണ്ടന്നൂര് പാലത്തില്വച്ച് കരസേനയുടെ ലോറി എതിരെവന്ന കാറില് ഇടിച്ചാണ് അപകടമുണ്ടായത്. സംഭവത്തെ തുടര്ന്ന് പോലീസും നാവികസേന ഉദ്യോഗസ്ഥരും സ്ഥലത്തെത്തി ആയുധങ്ങളടങ്ങിയ ലോറി നാവികസേന ആസ്ഥാനത്തേക്ക് മാറ്റി.