ആമസോണ്. ഇന് ഇനി മലയാളത്തില് ലഭ്യമാകും
ശ്രീജ.എസ്
ന്യൂഡല്ഹി: വസ്ത്രങ്ങള്, ഇലക്ട്രോണിക്സ്, ഗിഫ്റ്റിങ് ഇനങ്ങള്ക്ക് ആവശ്യക്കേറുന്ന ഈ സീസണില് ഉപഭോക്താക്കളെ കൂടുതല് ആകര്ഷിക്കുന്നതിനായി ആമസോണ് ഷോപ്പിങ് സൈറ്റ് നാല് ഭാഷകളില് കൂടി ലഭ്യമാകുമെന്ന് കമ്പനി അറിയിച്ചു. രാജ്യത്തെ 300 കോടി ജനങ്ങള്ക്ക് തങ്ങളുടെ സേവനം ലഭ്യമാക്കുന്നതിന്റെ ഭാഗമായാണ് പുതിയ നീക്കമെന്നും ആമസോണ് അറിയിച്ചു.
മലയാളം, കന്നഡ, തമിഴ്, തെലുങ്ക് എന്നീ ഭാഷകളില് ഇപ്പോള് ആമസോണ്.ഇന് ഷോപ്പിങ് ആപ്പ്, ഡെസ്ക്ടോപ്പ് സൈറ്റുകള് എന്നിവ ലഭ്യമാകും. ഇന്ത്യയില് ഇതിനകം തന്നെ ഹിന്ദി, ഇംഗ്ലീഷ് എന്നീ ഭാഷകള് ആമസോണില് ലഭ്യമാണ്. കൊവിഡ് കാലത്ത് രാജ്യത്തെ മുന്നിര നഗരങ്ങളിലെ ആളുകളെക്കാള് കൂടുതല് ഗ്രാമത്തിലുള്ളവര് ആമസോണ് വഴി അവശ്യസാധനങ്ങളും മറ്റ് ഉത്പന്നങ്ങളും വാങ്ങിയിട്ടുണ്ട്. ഇത് ഇപ്പോഴും തുടരുന്നതിനാലാണ് സാധാരണക്കാര്ക്ക് സേവനം എത്തിക്കുന്നതിന്റെ ഭാഗമായി ആമസോണ് വിവിധ ഭാഷയില് അതിന്റെ ആപ്പും വെബ് സൈറ്റും ലഭ്യമാക്കാന് തീരുമാനിച്ചത്.