InternationalLatest
ഫൈസര് വാക്സിന് ഉപയോഗത്തിന് കാനഡ അനുമതി നല്കി
ശ്രീജ.എസ്
ടൊറന്റോ: ഫൈസര് വാക്സിന് ഉപയോഗത്തിന് കാനഡ അനുമതി നല്കി. ഇതോടെ കൊറോണ വൈറസ് വാക്സിന് അംഗീകരിക്കുന്ന രണ്ടാമത്തെ പാശ്ചാത്യ രാജ്യമായി കാനഡ ബുധനാഴ്ച മാറി. ബ്രിട്ടനും ബഹ്റൈനും അനുമതി നല്കിയതിന് തൊട്ട് പിന്നാലെയാണ് കാനഡ അനുമതി നല്കിയിരിക്കുന്നത്. ഫൈസര് വാക്സിന് ഫലപ്രാപ്തിയും ഗുണനിലവാരവും ഉള്ളതാണെന്ന് കാനഡ അറിയിച്ചു.
അമേരിക്കന് കമ്പനിയായ ഫൈസറും ജര്മ്മന് കമ്പനിയായ ബയോ ടെക്കും ചേര്ന്ന് സൃഷ്ടിച്ച വാക്സിനാണ് കാനഡയില് അംഗീകാരം നല്കിയിരിക്കുന്നത്. 20 ദശലക്ഷം ഡോസ് വാക്സിന് വാങ്ങാനാണ് സര്ക്കാര് പദ്ധതിയിടുന്നത്. അതിന്റെ ഭാഗമായി ഈ മാസം രാജ്യത്തിന് 249,000 ഡോസ് വരെ വാക്സിന് ലഭിക്കുമെന്ന് പ്രധാനമന്ത്രി ജസ്റ്റിന് ട്രൂഡോ അറിയിച്ചു.