ശ്രീജ.എസ്
വാരണാസി: വാരണാസിയിലെ പ്രധാനമന്ത്രി നരേന്ദ്രമോദിയുടെ എം.പി ഓഫീസ് ഒഎല്എക്സില് വില്പ്പനയ്ക്ക്.! 6500 സ്ക്വയര് ഫീറ്റ് കെട്ടിടം എഴ് കോടി അന്പത് ലക്ഷത്തിനാണ് വില്പ്പനയ്ക്കായി പരസ്യപ്പെടുത്തിയത്. ലക്ഷ്മികാന്ത് ഓജ എന്ന ഐ.ഡിയില് നിന്നാണ് പരസ്യം പോസ്റ്റ് ചെയ്തിരിക്കുന്നത്.
പോലീസിന് പരാതി ലഭിച്ചതോടെയാണ് വ്യാജപരസ്യത്തിന്റെ കൂടുതല് വിശദാംശങ്ങള് പുറത്തുവന്നത്. പരസ്യം നീക്കം ചെയ്തെന്നും അന്വേഷണം പുരോഗമിക്കുകയാണെന്നും വാരണാസി എസ്എസ്പി അമിത് കുമാര് പതക് പറഞ്ഞു.
ഓഫീസിന്റെ ഫോട്ടോ പകര്ത്തിയ ആളെ ഉള്പ്പെടെ കേസുമായി ബന്ധപ്പെട്ട് നാല് പേരെ പോലീസ് ഇതിനോടകം അറസ്റ്റ് ചെയ്തുവെന്നും അദ്ദേഹം വ്യക്തമാക്കി. വാരണാസിയിലെ ഗുരുദാം കോളനിയിലാണ് പ്രധാനമന്ത്രിയുടെ എം.പി ഓഫീസ് സ്ഥിതി ചെയ്യുന്നത്.