കൊല്ലം: നിര്ത്തിയിട്ടിരുന്ന ലോറിയില് ബൈക്കിടിച്ച് കോസ്റ്റ് ഗാര്ഡ് ഉദ്യോഗസ്ഥന് മരിച്ചു. കല്ലറ പരപ്പില് അജിന് ഭവനില് (പ്രസീദ മന്ദിരം) തുളസീധരന്റെയും പ്രസീദയുടെയും മകന് ടി.പി. അജിന് (32) ആണ് മരിച്ചത്. ശനിയാഴ്ച പുലര്ച്ചെ 5.20ന് നീണ്ടകര പാലത്തിലായിരുന്നു അപകടം.
എറണാകുളത്ത് ജോലിസ്ഥലത്ത് നിന്നും മടങ്ങുകയായിരുന്ന അജിന്റെ ബൈക്ക് എതിര്വശത്തേക്ക് നിര്ത്തിയിട്ടിരുന്ന ലോറിയില് ഇടിക്കുകയായിരുന്നെന്ന് പൊലീസ് പറഞ്ഞു.
ഗുരുതരമായി പരിക്കേറ്റ അജിനെ ശക്തികുളങ്ങര സ്റ്റേഷനില് നിന്നുള്ള പട്രോളിങ് സംഘത്തിന്റെ നേതൃത്വത്തില് കൊല്ലം ജില്ല ആശുപത്രിയിലും അവിടെ നിന്നും കൊട്ടിയത്തെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും മരിച്ചു. ഭാര്യ: ആവണി. മകന്: ഋഷി.