കവയിത്രി സുഗതകുമാരിയെ അനുസ്മരിച്ച് നടി മഞ്ജു വാര്യര്‍

സിന്ധുമോൾ. ആർ

അന്തരിച്ച കവയിത്രി സുഗതകുമാരിയുടെ ഓര്‍മകളുമായി നടി മഞ്ജു വാര്യര്‍ .’തന്ന വരികള്‍ക്ക് നന്ദി.തണലിന് നന്ദി. തുലാവര്‍ഷപ്പച്ചകള്‍ക്ക് നന്ദി..സ്നേഹവാത്സല്യത്തിന് നന്ദി.പ്രിയ സുഗതകുമാരി ടീച്ചര്‍ക്ക് പ്രണാമം!’.- എന്നാണ് മഞ്ജു ഫെയ്സ്ബുക്കില്‍ കുറിച്ചത്.
തിരുവനന്തപുരം മെഡിക്കല്‍ കോളജ് ആശുപത്രിയില്‍ ചികില്‍സയിലായിരുന്ന സുഗതകുമാരിക്ക് ശ്വസന, ഹൃദയ സംബന്ധമായ പ്രശ്നങ്ങളുണ്ടായിരുന്നു. കോവിഡ് ബാധയെത്തുടര്‍ന്നു സ്വകാര്യ ആശുപത്രിയില്‍ ചികിത്സയിലായിരുന്ന സുഗതകുമാരിയെ നില വഷളായതിനെ തുടര്‍ന്ന് കഴിഞ്ഞ ദിവസമാണ് മെഡിക്കല്‍ കോളജ് ആശുപത്രിയിലേക്കു മാറ്റിയത്.