ശ്രീജ.എസ്
വയനാട്: ജില്ലാ ആശുപത്രിയില് അടിയന്തര ചികിത്സാ സൗകര്യങ്ങളുമായി അത്യാധുനിക മൊബൈല് ഐ.സി.യു യൂണിറ്റ് . ജില്ലയിലെ സര്ക്കാര് ആശുപത്രികളിലെ ഏക മൊബൈല് യൂണിറ്റാണ് മാനന്തവാടി ജില്ലാ ആശുപത്രിയില് യാഥാര്ത്ഥ്യമായത്. ഒ. ആര് കേളു എം.എല്.എയുടെ ആസ്തി വികസന ഫണ്ടില് ഉള്പ്പെടുത്തി 35 ലക്ഷം രൂപ ചെലവിലാണ് ആത്യാധുനിക സൗകര്യങ്ങളോട് കൂടിയ മൊബൈല് യൂണിറ്റ് സജ്ജമാക്കിയത്.
നിലവില് ജില്ലാ ആശുപത്രിയില് ആറ് ആംബുലന്സുകളാണ് ഉള്ളത് ഇതിനു പുറമെയാണ് അത്യാധുനിക സൗകര്യങ്ങളോട് കൂടിയ മൊബൈല് ഐ സി യു യൂണിറ്റ് സജ്ജമാകുന്നത്. ജീവന് രക്ഷാ ഉപാധികളും 24 മണിക്കൂര് ഡോക്ടറുടെ സേവനവും മൊബൈല് ഐ സി യുവില് ഉണ്ടായിരിക്കും.