ശ്രീജ.എസ്
രാജ്യത്ത് കോവിഡ് വാക്സിനേഷന് ഇന്ന് തുടക്കമാകും. ആരോഗ്യ പ്രവര്ത്തകരും കൊവിഡ് മുന്നണി പോരാളികളായ മൂന്ന് കോടി പേര്ക്കാണ് ആദ്യഘട്ടത്തില് വാക്സിന് വിതരണം ചെയ്യുന്നത്. കൊവിഷീല്ഡ്, കൊവാക്സിന് എന്നീ രണ്ട് വാക്സിനുകളാണ് ഇന്ത്യയില് വിതരണാംഗീകാരം നല്കിയിട്ടുള്ളത്.
ശനിയാഴ്ച രാവിലെ 10.30ന് പ്രധാനമന്ത്രി നരേന്ദ്ര മോദി കൊവിഡ് വാക്സിന് വിതരണത്തിന്റെ ഉദ്ഘാടനം നിര്വഹിക്കും. വീഡിയോ കോണ്ഫറന്സ് വഴി രാജ്യത്തൊട്ടാകെയുള്ള 3,006 വാക്സിനേഷന് കേന്ദ്രങ്ങളെ പ്രധാനമന്ത്രി അഭിസംബോധന ചെയ്യും.
വാക്സിന് വിതരണത്തിനായി ആദ്യഘട്ടത്തില് രാജ്യത്ത് 3,006 കേന്ദ്രങ്ങളാണ് സജ്ജമാക്കിയിരിക്കുന്നത്. ഓരോ കേന്ദ്രത്തിലും പ്രതിദിനം 100 പേര്ക്കു വീതമാണ് വാക്സിന് നല്കുക. ആരോഗ്യ പ്രവര്ത്തകര് അടക്കമുള്ള മൂന്ന് കോടി കോവിഡ് മുന്നിര പോരാളികള്ക്കാണ് ആദ്യഘട്ടത്തില് വാക്സിന് ലഭിക്കുക. ഓഗസ്റ്റ് വരെ ആദ്യഘട്ടം നീളും.