ആകാശപ്പോരിന് കരുത്തേകി എച്ച്എഎൽ

100 കിലോ മീറ്റർ അകലെയുള്ള ലക്ഷ്യം ഭേദിക്കും; സ്മാർട്ട് വെപ്പൺ പരീക്ഷണം വിജയകരം

ന്യൂഡൽഹി: വ്യോമസേനയുടെ ആകാശ യുദ്ധത്തിന് ശക്തി പകർന്ന് ഹിന്ദുസ്ഥാൻ എയ്‌റോനോട്ടിക്കൽ ലിമിറ്റഡ്(എച്ച്എഎൽ). ഹോക്ക്-ഐ പദ്ധതിയുടെ ഭാഗമായി സ്മാർട്ട് ആന്റി എയർഫീൽഡ് വെപ്പൺ(എസ്എഎഡ്ബ്ല്യു) എച്ച്എഎൽ വിജയകരമായി പരീക്ഷിച്ചു. ഒഡീഷ തീരത്ത് നിന്നും ഹോക്ക്-ഐ വിമാനം ഉപയോഗിച്ചാണ് പരീക്ഷണം നടന്നത്.

വിജയകരമായി പരീക്ഷിച്ച ആന്റി എയർഫീൽഡ് വെപ്പണുകൾക്ക് 125 കിലോ ഗ്രാം ഭാരമുണ്ട്. ഇതാദ്യമായാണ് ഇന്ത്യൻ നിർമ്മിത ഹോക്ക്-എംകെ132ൽ നിന്നും സ്മാർട്ട് വെപ്പൺ പരീക്ഷിക്കുന്നത്. നേരത്തെ, ജാഗ്വാർ എയർക്രാഫ്റ്റുകളിൽ നിന്നും ഇവ വിജയകരമായി വിക്ഷേപിച്ചിരുന്നു. 100 കിലോ മീറ്ററിനുള്ളിലുള്ള ശത്രുക്കളുടെ റഡാറുകൾ, ബങ്കറുകൾ, റൺവേകൾ എന്നിവ തകർക്കുകയാണ് സ്മാർട്ട് ആന്റി എയർഫീൽഡ് വെപ്പണുകളുടെ ചുമതല.