സിന്ധുമോൾ. ആർ
തിരുവല്ല : തിരുവല്ല പെരുന്തുരുത്തിയില് കെ.എസ്.ആര്.ടി.സി ബസ് കടയിലേക്ക് ഇടിച്ചുകയറി . അപകടത്തില് സ്കൂട്ടര് യാത്രികരായ യുവദമ്പതികള്ക്ക് ദാരുണാന്ത്യം. അപകടത്തില് യാത്രക്കാരുള്പ്പടെ 20 പേര്ക്ക് പരിക്കേറ്റു. വെള്ളിയാഴ്ച വൈകുന്നേരം 3.30 ന് ചങ്ങനാശേരി – തിരുവല്ല എംസി റോഡില് പെരുന്തുരുത്തിയിലായിരുന്നു അപകടം നടന്നത് . കോട്ടയത്തുനിന്നും പത്തനംതിട്ടയിലേക്കുപോകുയായിരുന്ന കോട്ടയം ഡിപ്പോയിലെ ബസാണ് അപകടമുണ്ടാക്കിയത്. അമിത വേഗതയില് എത്തിയ ബസ് മുന്നില്പോകുകയായിരുന്ന സ്കൂട്ടറില് ഇടിച്ച ശേഷം കണ്ണാടിക്കടയിലേക്ക് ഇടിച്ചുകയറുകയായിരുന്നു. വഴിയരുകില്നിന്നിരുന്നവര് ഓടിമാറിയതിനാല് വന്ദുരന്തം ഒഴിവായി.