നിനിതയുടെ നിയമനം റദ്ദാക്കില്ല; അന്വേഷണം വേണ്ടെന്ന് കാലടി സർവ്വകലാശാല

കൊച്ചി: അദ്ധ്യപക നിയമന വിവാദത്തിൽ പ്രതികരണവുമായി കാലടി സർവ്വകലാശാല. യുജിസി നിയമനത്തിൽ ഒരു ഉദ്യോഗാർത്ഥിയ്ക്ക് വേണ്ടിയും തിരുത്തൽ വരുത്തുകയോ വെള്ളം ചേർക്കുകയോ ചെയ്തിട്ടില്ലെന്ന് സർവ്വകലാശാല വ്യക്തമാക്കി.

നിനിതയുടെ നിയമനം റദ്ദാക്കില്ല. നിയമനം സംബന്ധിച്ച് രണ്ടു ദിവസത്തിനകം ഗവർണർക്ക് കത്ത് നൽകും. വിഷയ വിദഗ്ധരുടെ കത്ത് സർവ്വകലാശാല ചോർത്തിയിട്ടില്ലെന്നും വിഷയ വിദഗ്ധരെ നിയമിച്ചത് ആരുടെയും പേര് പറയാനല്ലെന്നും വൈസ് ചാൻസലർ വ്യക്തമാക്കി.