ടയറുകളുടെ ആയുസ്സ് കൂട്ടാം ഒപ്പം സുരക്ഷയും

വാഹനം ഓടിക്കാത്ത ആളുകള്‍ ഇന്നത്തെ കാലത്ത് കുറവാണ്. മിക്ക വീടുകളിലും ഒരു ടൂവീലര്‍ എങ്കിലും ഉണ്ടായിരിക്കും. കാരണം ഇന്നത്തെ കാലത്ത് വാഹനം എന്നത് ഒരു വ്യക്തിയെ സംബന്ധിച്ച് അവശ്യ ഘടകം തന്നെയാണ്. വാഹനങ്ങള്‍ക്ക് ഏറ്റവും കൂടുതല്‍ ആവശ്യമായതും എന്നാല്‍ ഏറ്റവും കൂടുതല്‍ പണിമുടക്കുന്നതുമായ ഒന്നാണ് ടയറുകള്‍. എന്നാല്‍ ഈ ടയറുകളുടെ കാര്യത്തില്‍ നാം വേണ്ടത്ര ശ്രദ്ധ കേന്ദ്രീകരിക്കാറില്ല, അല്ലെങ്കില്‍ അവ വേണ്ട വിധത്തില്‍ പരിഗണിക്കുന്നില്ല, എന്നതാണ് വാഹനങ്ങളുടെ ആയുസ്സ് കുറയുന്നതിന് പ്രധാന കാരണം. ഇരുചക്ര വാഹനങ്ങള്‍ക്ക് ടയറുകളുടെ സുരക്ഷിതത്വം പാലിക്കേണ്ടത് അത്യാവശ്യമാണ്. ടയറുകളുടെ ആയുസ്സിനു മാത്രമല്ല വാഹനമോടിക്കുന്ന വ്യക്തിയുടെ ആയുസ്സിനും സുരക്ഷയ്ക്കും അത് അത്യാവശ്യമാണ്. ടയറുകളുടെ ആയുസ്സ് നിലനിര്‍ത്തുന്നതിനും ഒപ്പം നമ്മുടെ സുരക്ഷയ്ക്കും വേണ്ടി ശ്രദ്ധിക്കേണ്ടതായ ചില കാര്യങ്ങളുണ്ട്.

ടയറിന്റെ അലൈന്‍മെന്റെ് ശ്രദ്ധിക്കുക. ടയറില്‍ രേഖപ്പെടുത്തിയിട്ടുള്ള കാലാവധിക്കു ശേഷം അത് ഉപയോഗിക്കാതിരിക്കുക. ഉപയോഗിക്കാന്‍ നിങ്ങളുടെ സുരക്ഷ ഏറ്റവുമധികം ബാധിക്കുന്ന ഒന്നാണ്. കൂടാതെ ടയറില്‍ ആവശ്യത്തിന് കാറ്റ് ഉണ്ടെന്ന് ഉറപ്പുവരുത്തുക. ടയര്‍ എപ്പോഴും നിലവാരമുള്ളവ വാങ്ങി ഉപയോഗിക്കുക. ഇത് കൂടുതല്‍ ഈടു നില്‍ക്കുകയും നമുക്ക് സുരക്ഷ നല്‍കുകയും ചെയ്യുന്നു.