ശ്രീജ.എസ്
ന്യൂഡല്ഹി: രാജ്യാതിര്ത്തിയില് 169 ദിവസങ്ങള് പിന്നിട്ട സമരം കൂടുതല് ശക്തമാക്കാനൊരുങ്ങി കര്ഷകര്. ഇതിന്റെ ഭാഗമായി തിക്രി അതിര്ത്തിയില് കര്ഷകര് ചെറു വീടുകളുടെ നിര്മാണത്തിന് തുടക്കമിട്ടു. 20,000 രൂപ മുതല് 25,000 രൂപ വരെ ചെലവ് വരുന്ന വീടുകളാണ് നിര്മിക്കുന്നത്. തങ്ങളുടെ ലക്ഷ്യം കാണുന്നത് വരെ സമരം അവസാനിപ്പിക്കില്ലെന്ന നിലപാടില് തന്നെയാണ് കര്ഷകര്.
കര്ഷകര് വീട് നിര്മിക്കുന്നതിന്റെ ദൃശ്യങ്ങള് പുറത്ത് വന്നിട്ടുണ്ട്. വളരെ കുറച്ച് വിഭവങ്ങളുപയോഗിച്ചാണ് വീടുകളുടെ നിര്മാണം പുരോഗമിക്കുന്നത്. ഇതുവരെ ട്രാക്ടറുകളിലും ട്രക്കുകളിലുമാണ് കര്ഷകര് താമസിച്ചിരുന്നത്. എന്നാല്, ട്രാക്ടറുകളും ട്രക്കുകളും ഗ്രാമങ്ങളിലേക്ക് തിരിച്ചയച്ചതിനാലാണ് വീടു നിര്മാണം ആരംഭിച്ചത്.
അതേസമയം, മൂന്ന് കാര്ഷിക നിയമങ്ങളും പിന്വലിക്കില്ലെന്ന നിലപാടില് ഉറച്ചു നില്ക്കുകയാണ് കേന്ദ്രസര്ക്കാര്. പത്തുതവണ ചര്ച്ച നടത്തിയിട്ടും ഇക്കാര്യത്തില് തീരുമാനമായിരുന്നില്ല. കാര്ഷിക നിയമങ്ങള് പിന്വലിക്കാതെ സമരം അവസാനിക്കില്ലെന്നാണ് കര്ഷകരുടെ ഉറച്ച നിലപാട്.