ശ്രീജ.എസ്
ലഖ്നൌ: ഷേവിങ് ബ്ലേയ്ഡ് ഉപയോഗിച്ച് സിസേറിയന് നടത്തിയതിനെ തുടര്ന്ന് ഉത്തര്പ്രദേശില് അമ്മയും കുഞ്ഞും മരിച്ചു. എട്ടാംക്ലാസില് പഠനം നിര്ത്തിയ വ്യാജ ഡോക്ടറുടെ ചികിത്സാ പരീക്ഷണമാണ് ദാരുണ സംഭവത്തിലേക്ക് വഴിതെളിയിച്ചത്. സുല്ത്താന്പുര് ജില്ലയിലെ സായ്നി ഗ്രാമത്തില് മാ ശാരദ ആശുപത്രിയിലാണ് സംഭവം. 33കാരിയായ പൂനവും അവരുടെ നവജാത ശിശുവുമാണ് മരിച്ചത്.
ചികിത്സ പിഴവിനെ തുടര്ന്ന് ഭാര്യയും കുഞ്ഞും മരിച്ചുവെന്ന ഭര്ത്താവ് രാജാറാമിന്റെ പരാതിയെ തുടര്ന്ന് നടത്തിയ അന്വേഷണത്തിലാണ് ഞെട്ടിക്കുന്ന വിവരങ്ങള് പുറത്തുവരുന്നത്. എട്ടാം ക്ലാസില് പഠനം നിര്ത്തിയ രാജേന്ദ്ര ശുക്ല ക്ലിനിക്കില് ജോലിചെയ്തുവരികയായിരുന്നു. യുവതിയെ പ്രസവ വേദനയുമായി ആശുപത്രിയിലെത്തിച്ചപ്പോള് ഷേവിങ് ബ്ലേയ്ഡ് ഉപയോഗിച്ച് ഓപ്പറേഷന് നടത്തി. ശിശു ജനിച്ച് മിനിട്ടുകള്ക്കകം മരിച്ചു.
ഓപ്പറേഷന് കഴിഞ്ഞതോടെ ആരോഗ്യനില മോശമായതിനെ തുടര്ന്ന് യുവതിയെ ജില്ല ആശുപത്രിയിലേക്ക് മാറ്റിയെങ്കിലും അവിടെവെച്ച് മരിക്കുകയായിരുന്നു. രക്തം വാര്ന്നാണ് യുവതിയുടെ മരണം. യുവതിയുടെ ഭര്ത്താവിന്റെ പരാതിയില് ഇരുവരെയും പൊലീസ് അറസ്റ്റ് ചെയ്തു. അന്വേഷണത്തില് ക്ലിനിക്കിന് രജിസ്ട്രേഷന് ഇല്ലെന്ന് കണ്ടെത്തിയിട്ടുണ്ട്.