‘പോരാളി ഷാജി’ ക്കെതിരേ വി.എം. സുധീരന്റെ പരാതി

തിരുവനന്തപുരം : ‘ പോരാളി ഷാജി‘ എന്ന ഫേസ്ബുക്ക് പേജിനെതിരെ കോൺഗ്രസ് നേതാവ് വി.എം. സുധീരന്റെ പരാതി . ശബരിമല വിഷയത്തിൽ തന്റെ ചിത്രം വെച്ച് അപകീർത്തികരമായ പോസ്റ്ററുകൾ പ്രചരിപ്പിക്കുന്നതിനെതിരേയാണ് സംസ്ഥാന പോലീസ് മേധാവിക്കും , മുഖ്യ തെരഞ്ഞെടുപ്പ് ഓഫീസർക്കും പരാതി നൽകിയത്

സുധീരന്റെ പ്രസ്താവനകൾ എന്നുപറഞ്ഞാണ് ഇവ പ്രചരിപ്പിക്കുന്നത്. എന്നാൽ ഇത് യഥാർത്ഥമല്ലെന്നും ഇത്തരത്തിലൊരു പ്രസ്താവന താൻ നടത്തിയിട്ടില്ലെന്നും സുധീരന്റെ പരാതിയിൽ പറയുന്നു.

വാസ്തവവിരുദ്ധമായ ഈ പോസ്റ്റുകൾ നീക്കംചെയ്യണമെന്നും ഉത്തരവാദികൾക്കെതിരേ കർശനനടപടി സ്വീകരിക്കണമെന്നും സുധീരൻ പരാതിയിൽ ആവശ്യപ്പെടുന്നു. അതേസമയം പരാതി അന്വേഷിക്കാൻ ഡിജിപി.ക്ക് നിർദേശം നൽകിയതായി മുഖ്യ തെരഞ്ഞെടുപ്പ് ഓഫീസർ ടീക്കാറാം മീണ അറിയിച്ചു.