തിരുവനന്തപുരം: ദേശീയ ചലച്ചിത്ര പുരസ്കാരം നേടുക വഴി മലയാളത്തിന്റെ യശസ്സ് വാനോളം ഉയര്ത്തിയ ചലച്ചിത്രകാരന്മാരെ മുഖ്യമന്ത്രി പിണറായി വിജയന് അഭിനന്ദിച്ചു. പ്രിയദര്ശന് മോഹന്ലാല് കൂട്ടുകെട്ടില് ഒരുങ്ങിയ “മരയ്ക്കാര് അറബിക്കടലിന്റെ സിംഹം’, നവാഗത സംവിധായകന് മാത്തുക്കുട്ടി സേവ്യറിന്റെ “ഹെലന്’ എന്നീ ചിത്രങ്ങളിലൂടെയാണ് മലയാള സിനിമ 2019ലെ ദേശീയ ചലച്ചിത്ര പുരസ്കാരത്തില് മിന്നും തിളക്കം സ്വന്തമാക്കിയത്.
മികച്ച മലയാള ചിത്രമായി തെരഞ്ഞെടുത്ത രാഹുല് റിജി നായരുടെ “കള്ളനോട്ടം’ അടക്കം 11 പ്രധാന പുരസ്കാരങ്ങള് മലയാള സിനിമയ്ക്കു ലഭിച്ചു. സജിന് ബാബുവിന്റെ ബിരിയാണി’ പ്രത്യേക പരാമര്ശത്തിന് അര്ഹരായി. പ്രിയദര്ശന് സംവിധാനം ചെയ്ത “മരയ്ക്കാര് അറബിക്കടലിന്റെ സിംഹം’ കഥാവിഭാഗത്തില് മികച്ച സിനിമയായി തെരഞ്ഞെടുക്കപ്പെട്ടപ്പോള് മികച്ച വസ്ത്രാലങ്കാരത്തിനുള്ള പുരസ്കാരം ഈ സിനിമയിലെ സുജിത് സുധാകരനെയും വി. സായിയെയും തേടിയെത്തി.