ശ്രീജ.എസ്
കൊല്ക്കത്ത: പശ്ചിമ ബംഗാളില് ബോംബ് നിര്മാണത്തിനിടെയുണ്ടായ സ്ഫോടനത്തില് ആറ് പേര്ക്ക് ഗുരുതര പരുക്ക്. സൗത്ത് 24 പര്ഗാനാസ് ജില്ലയിലാണ് സംഭവം. സ്ഫോടനത്തില് പരിക്കേറ്റ എല്ലാവരും ബിജെപി പ്രവര്ത്തകരാണ്.
പരുക്കേറ്റ ഒരാളുടെ വീട്ടില് വച്ചാണ് ബോംബ് നിര്മിച്ചിരുന്നതെന്ന് ഉന്നത പോലീസ് വൃത്തങ്ങള് വ്യക്തമാക്കി. അപകടത്തില് പരിക്കേറ്റ എല്ലാവരും ചികിത്സയിലാണെന്നും പോലീസ് പറഞ്ഞു .
അതെ സമയം ബോംബാക്രമണത്തിന് പിന്നില് തൃണമൂല് കോണ്ഗ്രസ് പ്രവര്ത്തകര് ആണെന്നാണ് പരിക്കേറ്റവരുടെ ബന്ധുക്കള് ആരോപിക്കുന്നത്. കഴിഞ്ഞ ദിവസം രാത്രി വിവാഹാഘോഷം കഴിഞ്ഞ് മടങ്ങിയ ബിജെപി പ്രവര്ത്തകര്ക്കു നേരെ ആക്രമണം അഴിച്ചുവിടുകയായിരുന്നുവെന്നും അവര് ആരോപിച്ചു .