ന്യൂഡല്ഹി: വ്യാജവാര്ത്ത വിശ്വസിച്ച് അനുശോചനം അറിയിച്ച ശശി തരൂര് എംപിക്ക് മുന് ലോക്സഭ സ്പീക്കര് സുമിത്ര മഹാജന്റെ മറുപടി. തന്റെ മരണം പ്രഖ്യാപിക്കാന് എന്ത് അടിയന്തര സാഹചര്യമായിരുന്നു നിലവിലുണ്ടായിരുന്നതെന്ന് അവര് ചോദിച്ചു. കുറഞ്ഞ പക്ഷം ആശുപത്രിയിലെങ്കിലും അന്വേഷിക്കാമായിരുന്നു. തരൂരിന് തന്റെ കുടുംബം മറുപടി നല്കിയിട്ടുണ്ടെന്നും സുമിത്ര മഹാജന് പറഞ്ഞു.
സുമത്ര മഹാജന് മരണപ്പെട്ടെന്ന് സമൂഹമാധ്യമങ്ങളില് വ്യാജപ്രചരണം നടന്നിരുന്നു. ഇതില് വിശ്വസിച്ച് തരൂര് ട്വീറ്റ് ചെയ്തു. എന്നാല് വ്യാജപ്രചരണം സുമിത്ര മഹാജന്റെ കുടുംബം നിഷേധിച്ചതിന് പിന്നാലെ തരൂര് ഖേദം പ്രകടിപ്പിച്ചു. അനുശോചന ട്വീറ്റ് പിന്വലിക്കുകയും ചെയ്തു. തനിക്ക് വിശ്വസിനീയമായ ഇടത്തില്നിന്നുമാണ് മരിച്ചെന്ന സന്ദേശം ലഭിക്കുന്നത്. തന്റെ ട്വീറ്റ് പിന്വലിക്കുകയാണെന്നും ഇത് പ്രചരിപ്പിക്കരുതെന്നും തരൂര് അഭ്യര്ഥിച്ചു.
പനി ബാധിച്ചതിനെ തുടര്ന് ഇന്ഡോറിലെ ആശുപത്രിയില് ചികിത്സയിലാണ് സുമിത്ര മഹാജന്. ഇവരുടെ കോവിഡ് പരിശോധന ഫലം നെഗറ്റീവാണ്. ആശങ്കപ്പെടേണ്ട സാഹചര്യമില്ലെന്നാണ് കുടുംബം നല്കുന്ന വിവരം.