![“Manju”](https://santhigirinews.org/wp-content/uploads/2020/04/YOUTUBE.jpg")
ദോഹ: ഇന്ത്യയുടെ കോവിഷീല്‍ഡ് വാക്സിന് അംഗീകാരം നല്‍കി ഖത്തര്‍. കോവിഷീല്‍ഡ് വാക്സിന് ഖത്തര്‍ അധികൃതര്‍ അംഗീകാരം നല്‍കിയതായി ദോഹയിലെ ഇന്ത്യന്‍ എംബസി അറിയിച്ചു. ഇന്ത്യയുടെ കോവീഷീല്‍ഡ് വാക്സിന് എടുത്തവര്‍ക്ക് ഇനിമുതല്‍ ഖത്തറില്‍ ക്വാറന്‍റീന്‍ വേണ്ട. വാക്സിന്റെ രണ്ടാം ഡോസ് എടുത്ത് രണ്ടാഴ്ച കഴിഞ്ഞ് ഖത്തറില്‍ എത്തുന്നവര്‍ക്കാണ് പുതിയ ഇളവ്.
വാക്സിന് എടുത്തതിന്റെ സര്‍ട്ടിഫിക്കറ്റ് കൈയ്യിലുണ്ടായിരിക്കണം. ഖത്തറിനകത്ത് യാത്ര ചെയ്യുമ്പോഴും എവിടെ പോയാലും സര്‍ട്ടിഫിക്കറ്റ് കൈവശമുണ്ടായിരിക്കണം. ഏപ്രില്‍ 25 മുതലാണ് പുതിയ തീരുമാനം പ്രാബല്യത്തില്‍ വരിക. ഫൈസര്‍, മൊഡേണ എന്നീ വാക്സിനുകളാണ് ഖത്തറില്‍ നിലവില്‍ എല്ലാവര്‍ക്കും സൗജന്യമായി നല്‍കുന്നത്. ആസ്ട്രസെനക, ജോണ്‍സണ്‍ ആന്‍റ് ജോണ്‍സന്‍ എന്നിവക്കും ഖത്തര്‍ അംഗീകാരം നല്‍കിയിരുന്നു. ഈ പട്ടികയിലാണ് ഇപ്പോള്‍ കോവിഷീല്‍ഡിനെയും ഉള്‍പ്പെടുത്തിയിരിക്കുന്നത്.
ഇന്ത്യയടക്കമുള്ള കോവിഡ് ഭീഷണി കൂടുതലുള്ള രാജ്യങ്ങളില്‍ നിന്ന് ഖത്തറില്‍ എത്തുന്നവര്‍ക്ക് ഒരാഴ്ച ഹോട്ടല്‍ ക്വാറന്‍റീന്‍ നിര്‍ബന്ധമാണെന്ന് അറിയിപ്പുണ്ടായിരുന്നു. പുതിയ തീരുമാനം പ്രാബക്യത്തില്‍ വരുന്നതോടെ ഏപ്രില്‍ 25 മുതല്‍ ഇന്ത്യയില്‍ നിന്ന് കോവിഷീല്‍ഡ് വാക്സിന് എടുത്തവര്‍ക്ക് നിര്‍ബന്ധിത ക്വാറന്‍റീന്‍ ഇരിക്കേണ്ടത്തില്ല. ആയിരക്കണക്കിന് ഇന്ത്യക്കാര്‍ക്ക് ഖത്തര്‍ തീരുമാനം പ്രയോജനം ചെയ്യും. ഖത്തറിലെ ഏറ്റവും കൂടുതല്‍ പ്രവാസികള്‍ ഇന്ത്യക്കാരാണ്.
