ന്യൂഡല്ഹി: രാജ്യത്ത് കോവിഡ് വ്യാപനം അതിതീവ്രമായി തുടരുന്ന സാഹചര്യത്തില് ലോക്ക്ഡൗണ് നടപടികളിലേക്ക് കടന്ന് കേന്ദ്ര സര്ക്കാര്. ടെസ്റ്റ് പോസിറ്റിവിറ്റി നിരക്ക് 15 ശതമാനത്തിന് മുകളിലുള്ള 150തോളം ജില്ലകളില് ലോക്ക്ഡൗണ് ഏര്പ്പെടുത്തണമെന്ന് കേന്ദ്ര ആരോഗ്യ മന്ത്രാലയം നിര്ദേശിച്ചു.
അവശ്യസര്വീസുകള്ക്കടക്കം ഇളവ് നല്കിയാകും ലോക്ക്ഡൗണ്. ചൊവ്വാഴ്ച നടന്ന ഉന്നതതല യോഗത്തിലാണ് ആരോഗ്യമന്ത്രാലയം നടപടികള്ക്ക് ശുപാര്ശ ചെയ്തത്. എങ്കിലും സംസ്ഥാനങ്ങളുമായി ആലോചിച്ചശേഷമായിരക്കും ഇക്കാര്യത്തില് അന്തിമ തീരുമാനം കേന്ദ്രസര്ക്കാര് കൈക്കൊള്ളുക. 15 ശതമാനത്തിന് മുകളില് ടെസ്റ്റ് പോസിറ്റിവിറ്റിയുള്ള ജില്ലകളില് ലോക്ക്ഡൗണ് ഏര്പ്പെടുത്തുകയാണെങ്കില് കേരളത്തിലെ പല ജില്ലകളും അടച്ചിടേണ്ടിവരും.