![“Manju”](https://santhigirinews.org/wp-content/uploads/2020/04/YOUTUBE.jpg")
തിരുവനന്തപുരം: സംസ്ഥാനത്ത് ഇന്നും നിയന്ത്രണങ്ങള്‍ കര്‍ശനമായി തുടരും. കോവിഡ് വ്യാപനം അതിരൂക്ഷമായി തുടരുന്നതിനാലും വോട്ടെണ്ണല്‍ നടക്കുന്നതിനാലും കര്‍ശന നിയന്ത്രണങ്ങള്‍ ആണ് ഏര്‍പ്പെടുത്തിയിരിക്കുന്നത്.
അടഞ്ഞ സ്ഥലത്ത് കൂട്ടം കൂടാ‍നോ അനാവശ്യമായി പുറത്തിറങ്ങാനോ പാടില്ല. കൂടാതെ തെരഞ്ഞെടുപ്പ് ഫലങ്ങള്‍ വന്നത് ശേഷമുള്ള ആഘോഷങ്ങളോ കൂടിച്ചേരലുകളോ അനുവദിക്കില്ല. സംസ്ഥാനത്ത് കൂട്ടം കൂടുന്നതും പ്രകടനം നടത്തുന്നതും ചൊവ്വാഴ്ച വരെ ഒഴിവാക്കണമെന്ന് ഡിജിപി ലോക്നാഥ് ബെഹ്റ. ഹൈക്കോടതി ചൊവ്വാഴ്ച വരെ ജനങ്ങള്‍ കൂട്ടം കൂടുന്നതും പ്രകടനം നടത്തുന്നതും വിലക്കിയ സാഹചര്യത്തിലാണ് നിര്‍ദേശങ്ങള്‍ കര്‍ശനമായി പാലിക്കാന്‍ ഡിജിപി എല്ലാ ജില്ലാ പോലീസ് മേധാവിമാരോടും ആവശ്യപ്പെട്ടിരിക്കുന്നത്.
ഞായറാഴ്ച മുതല്‍ പോലീസ് നടപടികള്‍ക്ക് ജില്ലാ പോലീസ് മേധാവിമാര്‍ ഉള്‍പ്പെടെയുളള ഫീല്‍ഡ് ഓഫീസര്‍മാര്‍നേരിട്ട് നേതൃത്വം നല്‍കും. കനത്ത സുരക്ഷയും, കര്‍ശന നിയന്ത്രങ്ങളും ആണ് സംസ്ഥാനത്ത് ഇന്നു മുതല്‍ ഒരുക്കിയിരിക്കുന്നത്. നാളെ സംസ്ഥാനത്ത് കര്‍ശന സുരക്ഷാ ഒരുക്കാന്‍ 30,281 പോലീസുകാരെയാണ് നിയോഗിച്ചിരിക്കുന്നത്. ഇരുചക്ര വാഹനങ്ങളില്‍ ഇരട്ട മാസ്ക് ധരിക്കാതെ യാത്ര ചെയ്തവരെ പിടികൂടി പിഴ ചുമത്തി.
