തിരുവനന്തപുരം: ഇസ്രയേലില് റോക്കറ്റ് ആക്രമണത്തില് കൊല്ലപ്പെട്ട ഇടുക്കി സ്വദേശിനി സൗമ്യ സന്തോഷിന്റെ മൃതദേഹം എത്രയും വേഗം നാട്ടില് എത്തിക്കാനുള്ള നടപടികള് ഇന്ത്യന് എംബസിയുമായി ചേര്ന്നു സ്വീകരിച്ചതായി മുഖ്യമന്ത്രി പിണറായി വിജയന്.
ഇസ്രയേലിലെ ഇന്ത്യന് അംബാസഡര് സഞ്ജീവ് സിംഗ്ലയുമായി നോര്ക്കയുടെ പ്രിന്സിപ്പല് സെക്രട്ടറി കെ ഇളങ്കോവന് ബന്ധപ്പെട്ടിട്ടുണ്ട്. അവിടുത്തെ പ്രാദേശിക ഭരണസംവിധാനവുമായി ഇന്ത്യന് എംബസ്സി ബന്ധപ്പെട്ടു കഴിഞ്ഞിട്ടുണ്ട് എന്ന് അംബാസഡര് അറിയിച്ചതായും മുഖ്യമന്ത്രി വ്യക്തമാക്കി.
സൗമ്യയുടെ അകാല വിയോഗത്തില് കുടുംബത്തിന് ആശ്വാസമേകാനുതകുന്ന വിധത്തില് നഷ്ടപരിഹാരം നേടിയെടുക്കാന് വേണ്ട നടപടികള് കൈക്കൊള്ളണമെന്നും ആവശ്യപ്പെട്ടിട്ടുണ്ട്. സൗമ്യയുടെ കുടുംബത്തിന്റേയും സുഹൃത്തുക്കളുടേയും ദു:ഖത്തിൽ പങ്കു ചേരുന്നതായും, ആദരാഞ്ജലികൾ അർപ്പിക്കുന്നതായും മുഖ്യമന്ത്രി പറഞ്ഞു.