വയനാട്ടില് നിന്നും തിരുവനന്തപുരത്ത് എത്തിച്ച കടുവ കൂട് പൊളിച്ച് രക്ഷപ്പെട്ടു; വ്യാപക തിരച്ചില്
സിന്ധുമോൾ. ആർ
തിരുവനന്തപുരം: വയനാട്ടില് നിന്നും പിടികൂടി തിരുവനന്തപുരത്ത് എത്തിച്ച പത്ത് വയസ് പ്രായമുളള പെണ്കടുവ രക്ഷപ്പെട്ടു. തിരുവനന്തപുരം നെയ്യാര് ലയണ് സഫാരി പാര്ക്കില് നിന്നാണ് കടുവ രക്ഷപ്പെട്ടത്. കൂടിന്റെ കമ്പി വളച്ചെടുത്ത് കടുവ രക്ഷപ്പെട്ടെന്നാണ് വനംവകുപ്പ് ഉദ്യോഗസ്ഥര് പറയുന്നത്. കടുവയ്ക്കായി പ്രദേശത്ത് തിരച്ചില് തുടരുകയാണ്.
ഇന്നലെ രാവിലെയാണ് കടുവയെ നെയ്യാര് സഫാരി പാര്ക്കില് എത്തിച്ചത്. വയനാട് ചിതലത്ത് മേഖലയിലെ ആദിവാസി കോളനികളില് ഭീതി പടര്ത്തിയ കടുവ മൂന്ന് ദിവസം മുമ്പാണ് വനംവകുപ്പിന്റെ കെണിയില് വീണത്. വയനാട്ടില് വച്ച് പത്തോളം ആടുകളെ പിടിച്ച് കൊന്നു തിന്ന കടുവ അക്രമസ്വഭാവം കാണിച്ചിരുന്നു. അവശനിലയിലായ കടുവയെ വേണ്ട നിരീക്ഷണവും ചികിത്സയും നല്കിയ ശേഷം കാട്ടിലേക്ക് തിരിച്ചയക്കാന് ആയിരുന്നു അധികൃതരുടെ പദ്ധതി. ഇതിനിടെയാണ് കടുവ കൂട് പൊളിച്ച് രക്ഷപ്പെട്ടത്.