ന്യൂഡല്ഹി: രാജ്യത്ത് ഒരു ഡോസ് കോവിഡ് വാക്സിനേഷന് 31 കോടി കവിഞ്ഞു. കഴിഞ്ഞ ഒരു ദിവസം കൊണ്ട് 61.19 ലക്ഷം പേര് വാക്സിന് സ്വീകരിച്ചു. അതേസമയം, 130 കോടിയില്പരം വരുന്ന ജനങ്ങളില് രണ്ടു ഡോസ് വാക്സിന് സ്വീകരിച്ചവര് 5.50 കോടി മാത്രം. ആരോഗ്യ, മുന്നിര പ്രവര്ത്തകര് അടക്കമാണിത്.
18നും 44നും ഇടയിലുള്ള 7.91 കോടി പേര്ക്ക് ആദ്യ ഡോസും 17.15 ലക്ഷം പേര്ക്ക് രണ്ടാമത്തെ ഡോസും നല്കി. 45-59 പ്രായപരിധിയിലുള്ളവരുടെ കാര്യത്തില് ആദ്യ ഡോസ് ലഭിച്ചവര് 8.59 കോടി; രണ്ടു ഡോസും കിട്ടിയവര് 1.40 കോടി. 60നു മേല് പ്രായമുള്ളവരില് രണ്ടു ഡോസും ലഭിച്ചവര് 2.29 കോടിയാണ്.