![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂയോര്‍ക്ക് : ആമസോണ്‍ സ്ഥാപകന്‍ ജെഫ് ബെസോസിനൊപ്പം ബ്ലൂ ഒറിജിന്റെ റോക്കറ്റില്‍ ബഹിരാകാശത്തു പോകാന്‍ 82 വയസ്സുകാരിയും. യുഎസ് പൗരന്‍മാരെ ആദ്യമായി ബഹിരാകാശത്തെത്തിക്കാന്‍ നാസ 1960 ല്‍ നടത്തിയ പരിപാടിയില്‍ പരിശീലനം നേടിയ 13 വനിതകളില്‍ ഒരാളായ വോലി ഫങ്കാണ് ഈ യാത്രിക. എന്നാല്‍ സ്ത്രീയായതിനാല്‍ അന്ന് വോലിക്ക് ബഹിരാകാശയാത്ര നിഷേധിക്കപ്പെട്ടു.
പിന്നീട് അവര്‍ യുഎസിലെ ആദ്യ വൈമാനിക പരിശീലകയായി. ഇപ്പോള്‍ വാര്‍ധക്യത്തില്‍ തന്റെ സ്വപ്നം സഫലമാകുന്നതിന്റെ സന്തോഷത്തിലാണു വോലി. ജെഫും സഹോദരന്‍ മാര്‍ക്കും പിന്നെ പേര് വെളിപ്പെടുത്താത്ത ഒരു വ്യക്തിയുമാണ് യാത്രയിലുള്ളത്.
