LatestThiruvananthapuram
വടക്കന് ജില്ലകളില് കൊവിഡ് വ്യാപനം ; പ്രത്യേകമായി പരിശോധിക്കുമെന്ന് മുഖ്യമന്ത്രി
തിരുവനന്തപുരം ; വടക്കന് ജില്ലകളില് കൊവിഡ് വ്യാപനം കൂടുന്ന പശ്ചാത്തലം പ്രത്യേകമായി പരിശോധിക്കുമെന്ന് മുഖ്യമന്ത്രി പിണറായി വിജയന്. അനുബന്ധരോഗങ്ങള് ഉള്ള പ്രായം കുറഞ്ഞവര് ആശുപത്രികളില് പോകാന് വിമുഖത കാണിക്കുന്നത് പ്രശ്നമാകുന്നുണ്ട്. അവരെ കൊവിഡ് ആശുപത്രികളില് പ്രവേശിപ്പിക്കുവാന് ക്യാമ്പെയിന് ഒന്നുകൂടി ശക്തിപ്പെടുത്തണം.
മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ടെസ്റ്റുകളുടെ എണ്ണം വര്ധിപ്പിക്കാന് ആരോഗ്യവകുപ്പിന് നിര്ദേശം നല്കി. ആരോഗ്യ പ്രവര്ത്തകരും മറ്റും വയോജനങ്ങള്ക്ക് വേണ്ടി വാക്സിന് രജിസ്റ്റര് ചെയ്യുമ്പോള് രണ്ടാം ഡോസിനുള്ള സന്ദേശം ശ്രദ്ധിക്കപ്പെടാതെ പോകുന്ന പ്രശ്നം പരിഹരിക്കണമെന്നും മുഖ്യമന്ത്രി പറഞ്ഞു.