ഏകദിന റാങ്കിങ്ങില് ഒന്നാം സ്ഥാനം തിരിച്ചുപിടിച്ച് മിതാലി രാജ്
ദുബൈ: ഇംഗ്ലണ്ടിനെതിരായ പരമ്ബരയിലെ തകര്പ്പന് പ്രകടനത്തോടെ വനിത ക്രിക്കറ്റിലെ ഏകദിന റാങ്കിങ്ങില് ഒന്നാം സ്ഥാനം തിരിച്ചുപിടിച്ച് ഇന്ത്യന് നായിക മിതാലി രാജ്. 2018ല് നഷ്ടമായ ഒന്നാം സ്ഥാനമാണ് 38കാരിയായ മിതാലി വീണ്ടും സ്വന്തമാക്കിയത്. 2005ലാണ് മിതാലി ആദ്യമായി ഒന്നാം റാങ്കിലെത്തിയത്. 16 വര്ഷത്തിനുശേഷം ഒന്നാമതെത്തിയതോടെ ഇത്രയും ഇടവേളക്കുശേഷം ആ നേട്ടം കൈവരിക്കുന്ന ആദ്യ താരമായി.
ഇംഗ്ലണ്ടിനെതിരെ പരമ്ബര 2-1ന് ഇന്ത്യ തോറ്റെങ്കിലും മിതാലി മൂന്നു കളികളിലും അര്ധ സെഞ്ച്വറിയുമായി തിളങ്ങിയിരുന്നു. 72, 59, 75 നോട്ടൗട്ട് എന്നിങ്ങനെയായിരുന്നു സ്കോര്. അവസാന മത്സരത്തില് ടീമിനെ ജയത്തിലേക്ക് നയിക്കുകയും ചെയ്തു.
762 പോയന്റുള്ള മിതാലിക്കുപിറകില് ദക്ഷിണാഫ്രിക്കയുടെ ലിസല്ലെ ലീ (758), ആസ്ട്രേലിയയുടെ അലീസ ഹീല (756) എന്നിവരാണ് രണ്ടും മൂന്നും സ്ഥാനത്ത്. ഇന്ത്യയുടെ സ്മൃതി മന്ദാന (701) ഒമ്ബതാം സ്ഥാനത്തുണ്ട്.