![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: സര്‍വകലാശാലകളിലെ അധ്യാപക നിയമനത്തിന് നാഷനല്‍ എലിജിബിലിറ്റി ടെസ്റ്റിനൊപ്പം പി.എച്ച്‌.ഡി കൂടി നിര്‍ബന്ധമാക്കി അധികൃതര്‍ . 2021- 22 അക്കാദമിക് വര്‍ഷം മുതലാകും പ്രാബല്യത്തില്‍ വരിക. 2018 ലെ നിയമം ഈ വര്‍ഷം മുതലാകും പ്രാബല്യത്തില്‍ വരിക. നേരത്തേ, സര്‍വകലാശാലകളിലെ അസിസ്റ്റന്‍റ് പ്രഫസര്‍ തസ്തികകളില്‍ പി.എച്ച്‌.ഡിയോ അല്ലെങ്കില്‍ നെറ്റ് യോഗ്യതയോ നേടിയാല്‍ നിയമനം ലഭിക്കുമായിരുന്നു. നെറ്റ് യോഗ്യതയുള്ളവര്‍ക്ക് അഞ്ചുമുതല്‍ 10 വരെ വെയിറ്റേജും പി.എച്ച്‌.ഡി യോഗ്യതയുള്ളവര്‍ക്ക് 30 മാര്‍ക്കുമായിരുന്നു വെയിറ്റേജ്.
2018 ല്‍ യൂനിവേഴ്സിറ്റി ഗ്രാന്‍റ്സ് കമീഷന്‍ (യു.ജി.സി) പി.എച്ച്‌.ഡി യോഗ്യതയുള്ളവര്‍ക്ക് മാത്രമേ സര്‍വകലാശാലകളില്‍ അധ്യാപകരായി നിയമനം ലഭിക്കുവെന്ന് നിര്‍ദ്ദേശം നല്‍കിയിരുന്നു . 2021 മുതല്‍ ഇത് ബാധകമാകുമെന്നും യു.ജി.സിക്ക് വേണ്ടി മുന്‍ കേന്ദ്രമന്ത്രി പ്രകാശ് ജാവ്ദേക്കര്‍ അറിയിച്ചിരുന്നു.
