![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: കോവിഷീല്‍ഡും കോവാക്സിനും കൊറോണ വൈറസിന്റെ ആല്‍ഫ, ബീറ്റ, ഗാമ, ഡെല്‍റ്റ വകഭേദങ്ങളെ പ്രതിരോധിക്കാന്‍ ഏറെ ഫലപ്രദമാണെന്ന് വ്യക്തമാക്കി കേന്ദ്ര സര്‍ക്കാര്‍. കോവിഡ് -ഡെല്‍റ്റ പ്ലസ് വകഭേദത്തിന് എതിരായ ഇവയുടെ പ്രതിരോധശേഷി സംബന്ധിച്ച പരിശോധനകള്‍ പുരോഗമിക്കുകയാണെന്നും ഐ.സി.എം.ആര്‍ ഡയറക്ടര്‍ ജനറല്‍ ബല്‍റാം ഭാര്‍ഗവ ചൂണ്ടിക്കാട്ടി .
വിവിധ വകഭേദങ്ങളെ ചെറുക്കാനുള്ള വാക്സിനുകളുടെ കഴിവ് സംബന്ധിച്ച ആഗോള പഠനങ്ങളുടെ അടിസ്ഥാനത്തിലാണ് കോവാക്സിനും കോവിഷീല്‍ഡും ആല്‍ഫ, ബീറ്റ, ഗാമ, ഡെല്‍റ്റ വകഭേദങ്ങളെ പ്രതിരോധിക്കാന്‍ ഏറെ ഫലപ്രദമാണെന്ന വിലയിരുത്തല്‍ നടത്തിയത്. കോവിഡിന്റെ വിവിധ വകഭേദങ്ങളെ നേരിടുന്നതില്‍ മറ്റ് വാക്സിനുകളെ അപേക്ഷിച്ച്‌ കോവിഷീല്‍ഡിന്റെയും കോവാക്സിന്റെയും പ്രതിരോധശേഷി മികച്ചതാണെന്നാണ് വിദഗ്ദര്‍ വിലയിരുത്തുന്നത്.
ആല്‍ഫ വകഭേദത്തെ നേരിടാന്‍ കോവിഷീല്‍ഡാണ് ഫലപ്രദമെങ്കില്‍ ഡെല്‍റ്റ വകഭേദത്തെ പ്രതിരോധിക്കുന്നതിന് ‘കോവാക്സിന്‍’ ആണ് കുറച്ചുകൂടി നല്ലത്. അങ്ങിനെ കോവിഷീല്‍ഡിന്റെയും കോവാക്സിന്റെയും പ്രതിരോധ ശേഷി ഓരോ വകഭേദങ്ങളുടെ കാര്യത്തിലും വ്യത്യസ്തമാകും. വിദേശ വാക്സിനുകളായ ഫൈസറും മോഡേണയുമായി താരതമ്യപ്പെടുത്തുമ്പോള്‍ കോവിഡിന്റെ എല്ലാ വകഭേദങ്ങളെയും പ്രതിരോധിക്കുന്നതില്‍ ഇരു വാക്സിനുകളും വളരെ മുന്നിലാണെന്ന് ബല്‍റാം ഭാര്‍ഗവ ചൂണ്ടിക്കാട്ടി.
