ശശികല ടീച്ചർ ഹിന്ദു ഐക്യവേദി അദ്ധ്യക്ഷ

കോഴിക്കോട് :ഹിന്ദു ഐക്യവേദി അദ്ധ്യക്ഷയായി ശശികല ടീച്ചറെ തെരഞ്ഞെടുത്തു. വത്സൻ തില്ലങ്കേരിയാണ് വർക്കിംഗ് പ്രസിഡന്റ്. ഇന്ന് ചേർന്ന സംസ്ഥാന കമ്മിറ്റി യോഗത്തിലായിരുന്നു ഭാരവാഹികളെ തെരഞ്ഞെടുത്തത്.

പദ്മശ്രീ എം കെ കുഞ്ഞോൻ, കെ എൻ രവീന്ദ്രനാഥ്, പി കെ ഭാസ്‌ക്കരൻ എന്നിവരെ രക്ഷാധികാരികളായി തെരഞ്ഞെടുത്തു. കെ വി ശിവൻ, എൻ കെ നീലകണ്ഠൻ മാസ്റ്റർ, പി എസ് പ്രസാദ്, അഡ്വ. വി പത്മനാഭൻ, അഡ്വ കെ ഹരിദാസ്, ക്യാപ്റ്റൻ സുന്ദരൻ, അഡ്വ ബി എൻ ബിനീഷ് ബാബു, നിഷ സോമൻ, വി എൻ അനിൽകുമാർ, എസ് സുധീർ എന്നിവരാണ് ഹിന്ദു ഐക്യവേദി ഉപാദ്ധ്യക്ഷൻമാർ. ഇ എസ് ബിജു, ആർ വി ബാബു, ഡോ. ബ്രഹ്മചാരി ഭാർഗ്ഗവറാം, കെ പി ഹരിദാസ്, പി സുധാകരൻ എന്നിവരെ ജനറൽ സെക്രട്ടറിമാരായി തെരഞ്ഞെടുത്തു. ട്രഷററായി പി ജ്യോതീന്ദ്രകുമാറിനെയും തെരഞ്ഞെടുത്തിട്ടുണ്ട്.

സി. ബാബുവാണ് സംഘടനാ സെക്രട്ടറി, വി സുശികുമാറിനെ സഹ സംഘടനാ സെക്രട്ടറിയായും തെരഞ്ഞെടുത്തു. കിളിമാനൂർ സുരേഷ്, കെ പ്രഭാകരൻ, മഞ്ഞപാറ സുരേഷ്, ഇ ജി മനോജ്, അഡ്വ. രമേഷ് കൂട്ടാല, എം വി മധുസൂദനൻ, പി വി മുരളീധരൻ, വി എസ് പ്രസാദ്, ശശികമ്മട്ടേരി, എ ശ്രീധരൻ, ബിന്ദു മോഹൻ എന്നിവരെ സെക്രട്ടറിമാരായി യോഗം തെരഞ്ഞെടുത്തു. പുത്തൂർ തുളസി (ദക്ഷിണ മേഖല), കെ പി സുരേഷ് (മദ്ധ്യമേഖല), കെ ഷൈനു (ഉത്തരമേഖല) എന്നിവരെ മേഖലാ സംഘടനാ സെക്രട്ടറിമാരായി തെരഞ്ഞെടുത്തു.

യോഗത്തിൽ എം കെ കുഞ്ഞോൻ പതാക ഉയർത്തി. ശശികല ടീച്ചർ അദ്ധ്യക്ഷയായി. മുൻ ചീഫ് സെക്രട്ടറി സി വി ആനന്ദബോസ് ആണ് യോഗം ഉദ്ഘാടനം ചെയ്തത്. സി ബാബു, അരവിന്ദാക്ഷൻ, കെ പി ഹരിദാസ്, ഇ എസ് ബിജു, കെ പി സുരേഷ് എന്നിവർ സംസാരിച്ചു. കെ എൻ രവീന്ദ്രനാഥാണ് ദീപം തെളിയിച്ചത്. സമാപന സമ്മേളനത്തിൽ ആർഎസ്എസ് ക്ഷേത്രീയ സഹകാര്യവാഹ് എം രാധാകൃഷ്ണൻ മുഖ്യപ്രഭാഷണം നടത്തി.