മുംബൈ: മഹാരാഷ്ട്രയില് കനത്ത മഴയും വെള്ളപ്പൊക്കവും മണ്ണിടിച്ചിലിനെയും തുടര്ന്ന് മരിച്ചവരുടെ എണ്ണം 164 ആയി ഉയര്ന്നു,100 പേരെ കാണാതായി. 53 പേരുടെ മൃതദേഹം മണ്ണിടിച്ചിലുണ്ടായ റായ്ഗഡിലെ തലിയ ഗ്രാമത്തില് നിന്നും കണ്ടെത്തി. ഇവിടെ ഇനിയും 31 പേരെ കൂടി കണ്ടെത്താനുണ്ട്. സംസ്ഥാനത്തിന്റെ പല ഭാഗങ്ങളില് നിന്നായി 2,29,074 പേരെ ഒഴിപ്പിച്ചു.
സത്താറ ജില്ലയിലെ വെള്ളപ്പൊക്ക ബാധിത പ്രദേശങ്ങള് സന്ദര്ശിക്കാനായി തിരിച്ച മുഖ്യമന്ത്രി ഉദ്ധവ് താക്കറെ ഹെലികോപ്റ്റര് ഇറക്കാന് കഴിയാത്തതിനെ തുടര്ന്ന് പുനെയിലേക്ക് മടങ്ങി. എന്നാല് ഉപ മുഖ്യമന്ത്രി അജിത് പവാര് വിവിധ ഗ്രാമങ്ങളില് പര്യടനം നടത്തി.