![“Manju”](https://santhigirinews.org/wp-content/uploads/2020/04/YOUTUBE.jpg")
പരപ്പനങ്ങാടി: കശ്മീരിലെ മഞ്ഞുമലകളില്‍ മലപ്പുറത്തിന്റെ കൈയൊപ്പ് ചാര്‍ത്താനും അതിര്‍ത്തി ഗ്രാമങ്ങളുടെ മനംമയക്കുന്ന കാഴ്ചകള്‍ കാണാനും സൈക്കിളുമായി ഒരുകൂട്ടം യുവാക്കള്‍ യാത്ര തിരിച്ചു.
പരപ്പനങ്ങാടി പുത്തരിക്കലിലെ ഹാഷിഖ്, നസീഫ്, ദില്‍ഷു മുഹമ്മദ്, ഷബീബ് എന്നിവരാണ് യാത്രയാകുന്നത്. ദിനംപ്രതി 140 കിലോമീറ്റര്‍ യാത്ര ചെയ്യാനാകുമെന്നുള്ള കണക്കുകൂട്ടലിലാണ് ഈ നാലംഗ സംഘം.
പുത്തരിക്കല്‍ യുവ കൂട്ടായ്മ അധ്യക്ഷന്‍ ബിജീഷ് ഫ്ലാഗ് ഓഫ് ചെയ്തു. കഴിഞ്ഞ ദിവസം നഗരസഭ കൗണ്‍സിലര്‍ ഫാത്തിമ റഹീമിന്റെ മകന്‍ കെ.പി. അബ്ദുല്‍ ഹകീം പരപ്പനങ്ങാടിയില്‍നിന്ന് സൈക്കിളില്‍ തനിച്ച്‌ ലഡാക്കിലേക്ക് യാത്ര തിരിച്ചിരുന്നു.
