വാക്സിന് പകരം ഉപ്പുലായനി ; 9000 പേര്ക്ക് വീണ്ടും വാക്സിനേഷന്
ബര്ലിന്: നഴ്സ് ഉപ്പുലായനി കുത്തിവെച്ച സാഹചര്യത്തില് ജര്മനിയില് 9000 പേരെ വീണ്ടും വാക്സിനേഷന് വിധേയമാക്കും. ഏപ്രിലിലാണ് ഫൈസര് വാക്സിന് പകരം ജര്മന് നഴ്സ് ഉപ്പുലായനി കുത്തിവെച്ചതെന്ന് ‘മെട്രോ യു.കെ’ റിപ്പോര്ട്ട് ചെയ്തു. ഇത്തരത്തില് ആരോപണം ഉയര്ന്നതോടെ ആറ് പേര്ക്ക് ഉപ്പുലായനി കുത്തിവെച്ചത് താനാണെന്ന് നഴ്സ് സമ്മതിച്ചിരുന്നു.
ഫൈസര് വാക്സിന്റെ ഒരു കുപ്പി തന്റെ കൈയില് നിന്ന് നഷ്ടപ്പെട്ട് പോയതിനാലാണ് അങ്ങനെ ചെയ്തതെന്നായിരുന്നു നഴ്സിന്റെ വിശദീകരണം. അതെ സമയം ധാരാളം പേരെ ഇവര് കബളിപ്പിച്ചതായി ആന്ഡിബോഡി പരിശോധനയില് തെളിഞ്ഞു. വാക്സിനെ വിമര്ശിച്ച് ഇവര് സാമൂഹിക മാധ്യമങ്ങളില് നിരവധി പോസ്റ്റുകള് ഷെയര് ചെയ്തതായി പൊലീസ് കണ്ടെത്തി.
ഇതോടെയാണ് മാര്ച്ച് അഞ്ചിനും ഏപ്രില് 20 നും ഇടയില് കുത്തിവെപ്പെടുത്തവര്ക്ക് വീണ്ടും വാക്സിന് നല്കുമെന്ന് ഫ്രീസ്ലാന്ഡ് ജില്ല അഡ്മിനിസ്ട്രേറ്റര് സ്വെന് ആംബ്രോസി അറിയിച്ചത്. ഉപ്പുലായനി കുത്തിവെപ്പെടുത്ത എല്ലാവരും 70 വയസിന് മുകളില് പ്രായമുള്ളവരാണെന്നതാണ് ആശങ്കയെന്ന് ജര്മന് മാധ്യമങ്ങള് റിപ്പോര്ട്ട് ചെയ്തു. ജര്മന് ജനസംഖ്യയുടെ 57 ശതമാനം പേരും കോവിഡ് പ്രതിരോധ കുത്തിവെപ്പെടുത്തതായാണ് റിപ്പോര്ട്ട് 91000 പേരാണ് ജര്മനിയില് കോവിഡ് മരണത്തിന് കീഴടങ്ങിയത് .