ന്യൂഡല്ഹി: അഖിലേന്ത്യാ മെഡിക്കല് പ്രവേശനത്തിനുള്ള നീറ്റ് പരീക്ഷ നീട്ടിവയ്ക്കണമെന്ന് കോണ്ഗ്രസ് നേതാവ് രാഹുല് ഗാന്ധി. വിദ്യാര്ഥികളുടെ ദുരിതത്തിന് നേരെ സര്ക്കാര് കണ്ണടയ്ക്കരുതെന്നും കോണ്ഗ്രസ് നേതാവ് ചൂണ്ടിക്കാട്ടി .” നീറ്റ് പരീക്ഷ മാറ്റിവയ്ക്കുകയാണ് വേണ്ടത്. അവര്ക്ക് ന്യായമായ അവസരം ലഭിക്കട്ടെ .” രാഹുല് ട്വിറ്ററില് കുറിച്ചു.
നീറ്റ് പരീക്ഷ മാറ്റിവയ്ക്കണമെന്നാവശ്യപ്പെട്ട് ഒരു വിഭാഗം വിദ്യാര്ഥികള് നല്കിയ ഹര്ജി സുപ്രീംകോടതി കഴിഞ്ഞ ദിവസം തള്ളിയിരുന്നു. 12ന് തന്നെ പരീക്ഷ നടക്കും. പരീക്ഷ നീട്ടിവയ്ക്കണമെന്നാവശ്യപ്പെട്ട് സിബിഎസ്ഇ പ്രൈവറ്റ്, കറസ്പോണ്ടന്സ്, കമ്പാര്ട്ട്മെന്റ് എക്സാമുകള് എഴുതുന്നവര് നല്കിയ ഹര്ജിയാണ് സുപ്രീം കോടതി തള്ളിയത്.
നീറ്റ് പരീക്ഷ നീട്ടിവയ്ക്കണമെന്ന ഹര്ജി കോടതി തള്ളിയതിനു പിന്നാലെ എന്ടിഎ നീറ്റ് അഡ്മിറ്റ് കാര്ഡ് പ്രസിദ്ധീകരിച്ചിരുന്നു. കഴിഞ്ഞ ദിവസം രാത്രിയോടെയാണ് വെബ്സൈറ്റില് അഡ്മിറ്റ് കാര്ഡ് ലഭ്യമായി തുടങ്ങിയത് .