ന്യൂഡല്ഹി: സിപിഎം ജനറല് സെക്രട്ടറി സീതാറാം യെച്ചൂരിയുടെ മാതാവും, സ്ത്രീശാക്തീകരണ പ്രവര്ത്തനങ്ങളില് സജീവസാന്നിധ്യമായിരുന്ന കല്പകം യെച്ചൂരി(89) അന്തരിച്ചു. ശനിയാഴ്ച വൈകിട്ടോടെ ഗുരുഗ്രാമിലെ ആശുപത്രിയില് ആയിരുന്നു അന്ത്യം. തുടര്ന്ന് മൃതദേഹം മെഡിക്കല് വിദ്യാര്ഥികളുടെ പഠനത്തിനായി എയിംസിനു കൈമാറി.
ചെന്നൈ സ്റ്റെല്ലാ മേരിസ് കോളജില് നിന്നും സാമ്പത്തിക ശാസ്ത്രത്തില് ബിരുദവും ബനാറസ് ഹിന്ദു സര്വകലാശാലയില് നിന്നും രാഷ്ട്രതന്ത്രത്തില് ബിരുദാനന്തര ബിരുദവും നേടിയ വനിതയാണ് കല്പകം യെച്ചൂരി. കൂടാതെ ഒസ്മാനിയ സര്വകലാശാലയില് നിന്ന് ഇന്ത്യയും യുഎന് രക്ഷാസമിതിയും എന്ന വിഷയത്തില് എംഫിലും കരസ്ഥമാക്കിയിട്ടുണ്ട്.