KeralaLatestThiruvananthapuram
ജില്ലാ കളക്ടറുടെ അക്കൗണ്ടില് നിന്നും രണ്ട് കോടി തട്ടിയെടുത്തു
ശ്രീജ.എസ്
തിരുവനന്തപുരം: മാസങ്ങള്ക്കു മുമ്പ് പിരിഞ്ഞുപോയ ഉദ്യോഗസ്ഥന്റെ യൂസര് നെയിമും പാസ് വേഡും ഉപയോഗിച്ച് ജില്ലാ കളക്ടറുടെ അക്കൗണ്ടില് നിന്ന് രണ്ട് കോടി രൂപ തട്ടിയെടുത്തു. വഞ്ചിയൂര് സബ് ട്രഷറിയിലെ അക്കൗണ്ടിലാണ് തിരിമറി നടന്നത്. വഞ്ചിയൂര് സബ്ട്രഷറിയിലെ സീനിയര് അക്കൗണ്ടന്റാണ് രണ്ടുകോടി രൂപ സ്വന്തം അക്കൗണ്ടിലേക്ക് മാറ്റിയതായി കണ്ടെത്തിയിരിക്കുന്നത്. ട്രഷറി ഉദ്യോഗസ്ഥനെതിരെ സബ് ട്രഷറി ഓഫീസര് നടപടി ആവശ്യപ്പെട്ട് പരാതി നല്കി. തട്ടിപ്പിന് പിന്നില് കൂടുതല് ഉദ്യോഗസ്ഥര്ക്ക് പങ്കുണ്ടോ എന്ന വിവരം ഇനിയും അറിവായിട്ടില്ല. സംഭവത്തില് അന്വേഷണം നടക്കുന്നുവെന്ന് ട്രഷറി ഡയറക്ടര് പറഞ്ഞു.