![“Manju”](https://santhigirinews.org/wp-content/uploads/2020/04/YOUTUBE.jpg")
ചെന്നൈ: ക്ലാസ് മുറിയില്‍ വിദ്യാര്‍ഥിയെ ക്രൂരമായി മര്‍ദിക്കുകയും ചവിട്ടുകയും ചെയ്ത അധ്യാപകന്‍ അറസ്റ്റില്‍. ചിദംബരത്തിനടുത്ത ഗവ. നന്ദനാര്‍ ബോയ്സ് ഹയര്‍ സെക്കന്‍ഡറി സ്കൂളിലെ ഫിസിക്സ് അധ്യാപകനായ സുബ്രമണ്യം (45) ആണ് സംഭവത്തില്‍ അറസ്റ്റിലായത് . പതിവായി ക്ലാസ് കട്ട് ചെയ്തിരുന്ന പ്ലസ്ടു വിദ്യാര്‍ഥിയെ മുട്ടുകുത്തി നിര്‍ത്തിച്ച്‌ മുടിയില്‍ പിടിച്ച്‌ തുടര്‍ച്ചയായി ചൂരല്‍ കൊണ്ട് പലതവണ മര്‍ദ്ദിക്കുകയും കാലില്‍ ചവിട്ടുകയും ചെയ്തതിന്റെ വീഡിയോ ദൃശ്യങ്ങള്‍ പ്രചരിച്ചതോടെയാണ് നടപടി . അതെ സമയം ചില വിദ്യാര്‍ഥികളെ നിലത്തും ഇരുത്തിയിരുന്നു.ഒക്ടോബര്‍ 13നായിരുന്നു ദാരുണ സംഭവം. ക്ലാസിലെ വിദ്യാര്‍ഥിയാണ് മൊബൈല്‍ഫോണില്‍ വിഡിയോ പകര്‍ത്തി സാമൂഹിക മാധ്യമങ്ങളില്‍ പ്രചരിപ്പിച്ചത്.
