ജൈടെക്സിന് ഉജ്ജ്വല തുടക്കം
ദുബൈ: പശ്ചിമേഷ്യയിലെ ഏറ്റവും വലിയ ഇന്ഫര്മേഷന് ടെക്നോളജി പ്രദര്ശനമായ ജൈടെക്സിന്റെ 41ാമത് എഡിഷന് ദുബൈ വേള്ഡ് ട്രേഡ് സെന്ററില് ഉജ്ജ്വല തുടക്കം. ലോകത്തിലെ 140 രാജ്യങ്ങളില്നിന്നായി നാലായിരത്തിലേറെ സാങ്കേതികവിദ്യ മേഖലയില് പ്രവര്ത്തിക്കുന്ന കമ്പനികള് പ്രദര്ശനം ഒരുക്കിയിട്ടുണ്ട്. ലോകത്തെ പ്രമുഖ ഐ.ടി കമ്പനികളും സ്റ്റാര്ട്ടപ്പുകളും ഏറ്റവും പുതിയ ഉല്പന്നങ്ങള് പ്രദര്ശിപ്പിക്കുന്ന മേള വ്യാഴാഴ്ച വരെ നീണ്ടുനില്ക്കും. നിരവധി നൂതന ആശയങ്ങളും ഉപകരണങ്ങളും പ്രദര്ശനത്തിനുണ്ട്. വ്യത്യസ്ത വിഷങ്ങളിലുള്ള കോണ്ഫറന്സുകളും വര്ക്ഷോപ്പുകളും വിവിധ വേദികളിലായി അരങ്ങേറുന്നുമുണ്ട്. പ്രദര്ശനത്തിന്റെ ആദ്യദിനം രാവിലെ മുതല് നിരവധി സന്ദര്ശകരാണ് മേളക്കെത്തിയത്.