കൊച്ചി: എറണാകുളം വൈറ്റിലയിലുണ്ടായ അപകടത്തില് മുന് മിസ് കേരളയും റണ്ണറപ്പും മരിച്ചു. 2019 ലെ മത്സരത്തിലെ മിസ് കേരളയായിരുന്ന തിരുവനന്തപുരം ആലംകോട് സ്വദേശിയായ ആന്സി കബീര് (25), റണ്ണറപ്പായിരുന്ന തൃശൂര് സ്വദേശി അഞ്ജന ഷാജന് (26) എന്നിവരാണ് മരിച്ചത്.
എറണാകുളം വൈറ്റിലയില് വച്ചാണ് അപകടമുണ്ടായത്. ഇവര് സഞ്ചരിച്ചിരുന്ന കാര് ബൈക്കില് ഇടിച്ച് നിയന്ത്രണം വിട്ട് മറിഞ്ഞാണ് അപകടമുണ്ടായത്. പുലര്ച്ചെ ഒരു മണിയോടെയായിരുന്നു അപകടം. വൈറ്റില ഹോളിഡേ ഇന്നിന് മുന്നില് വച്ചാണ് അപകടമുണ്ടായത്.
ബൈക്കില് ഇടിക്കാതിരിക്കാന് കാര് വെട്ടിച്ചതാണ് അപകടകാരണമെന്നാണ് വ്യക്തമാകുന്നത്. ഇരുവരും സംഭവ സ്ഥലത്തുവച്ചുതന്നെ മരിച്ചു. നാല് പേരാണ് കാറില് ഉണ്ടായിരുന്നത്. രണ്ട് പേര്ക്ക് പരിക്കേറ്റു. ഇതില് ഒരാളുടെ നിലഗുരുതരമാണ്. പരിക്കേറ്റ ഇരുവരെയും എറണാകുളം മെഡിക്കല് സെന്ററില് ചികിത്സയില് പ്രവേശിപ്പിച്ചു.