അന്സി കബീര് മരിച്ച വിവരമറിഞ്ഞ് മാതാവ് കുഴഞ്ഞു വീണു ഗുരുതരാവസ്ഥയിലെന്ന് റിപ്പോര്ട്ട്
തിരുവനന്തപുരം: മുന് മിസ് കേരള അന്സി കബീര് വാഹനാപകടത്തില് മരിച്ച വിവരമറിഞ്ഞ മാതാവ് റസീന കുഴഞ്ഞു വീണു. തുടര്ന്ന് ഇവരെ തിരുവനന്തപുരത്ത് സ്വകാര്യ ആശുപത്രിയില് പ്രവേശിപ്പിച്ചിരിക്കുകയാണ്.
നില ഗുരുതരമാണെന്നാണ് റിപ്പോര്ട്ട്. ആന്സിയുടെ പിതാവ് കബീര് വിദേശത്താണ്.തിങ്കളാഴ്ച പുലര്ച്ചെയാണ് മുന് മിസ് കേരള അന്സി കബീര് (25), മിസ് കേരള റണ്ണറപ്പ് അഞ്ജന ഷാജന് (26) എന്നിവര് സഞ്ചരിച്ചിരുന്ന കാര് ബൈക്കില് ഇടിച്ച് നിയന്ത്രണം വിട്ട് മറിഞ്ഞത്. സംഭവ സ്ഥലത്തുവച്ചു തന്നെ ഇരുവരും മരിച്ചു.നാലുപേരാണ് ഇവര് സഞ്ചരിച്ചിരുന്ന വാഹനത്തിലുണ്ടായിരുന്നത്. ഒപ്പമുണ്ടായിരുന്ന രണ്ടുപേരില് ഒരാളുടെ നില ഗുരുതരമാണ്. പരിക്കേറ്റവര് എറണാകുളത്തെ സ്വകാര്യ ആശുപത്രിയില് ചികിത്സയിലാണ്.