KeralaLatestThiruvananthapuram
കേരളത്തില് മഴ കനക്കും
തിരുവനന്തപുരം: ബംഗാള് ഉള്ക്കടലിലെ ചക്രവാതച്ചുഴി ന്യൂനമര്ദ്ദമായി മാറിയതിനെതുടര്ന്ന് പുറപ്പെടുവിട്ട ജാഗ്രതാ നിര്ദ്ദേശം ഇന്നും തുടരും. അടുത്ത 24 മണിക്കൂറിനുള്ളില് ന്യൂനമര്ദ്ദം തീവ്രന്യൂനമര്ദ്ദമായി മാറി വടക്കന് തമിഴ്നാട് തീരത്ത് കൂടി കരയില് പ്രവേശിക്കുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ വിലയിരുത്തല്.
കേരളാ തീരത്ത് 40 മുതല് 50 കി.മീ വരെ വേഗത്തില് കാറ്റ് വീശിയേക്കും. മത്സ്യത്തൊഴിലാളികള് കടലില് പോകരുതെന്ന് നിര്ദ്ദേശം നല്കിയിട്ടുണ്ട്. സംസ്ഥാനത്ത് ഇന്നും നാളെയും കൂടി ഒറ്റപ്പെട്ട ശക്തമായ മഴയ്ക്ക് സാധ്യതയെന്നാണ് അറിയിപ്പ്. ഇന്നും നാളെയും അഞ്ച് ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്.