![“Manju”](https://santhigirinews.org/wp-content/uploads/2020/04/YOUTUBE.jpg")
ന്യൂഡല്‍ഹി: ലോക്സഭ എം.പി കൊടിക്കുന്നില്‍ സുരേഷ് പാര്‍ലമെന്‍റ് ഇടനാഴിയില്‍ കാല്‍വഴുതി വീണതായി റിപ്പോര്‍ട്ട്. പ്രതിപക്ഷ പാര്‍ട്ടി യോഗത്തിന് ശേഷം രാജ്യസഭ പ്രതിപക്ഷ നേതാവ് മല്ലികാര്‍ജുന്‍ ഖാര്‍ഗെയുടെ ഓഫിസില്‍ നിന്ന് പുറത്ത് വരുന്നതിനിടെയാണ് സംഭവം.ഇതേ തുടര്‍ന്ന് പ്രഥമ ശുശ്രൂഷ നല്‍കി എം.പിയെ രാം മനോഹര്‍ ലോഹ്യ ആശുപത്രിയില്‍ പ്രവേശിപ്പിച്ചു.
വിവാദ കാര്‍ഷിക നിയമങ്ങളില്‍ പാര്‍ലമെന്റില്‍ പ്രതിഷേധം ഉയര്‍ത്തിയതിന് പേരില്‍ 12 പ്രതിപക്ഷ രാജ്യസഭ എം.പിമാരെ സസ്പെന്‍ഡ് ചെയ്തതുമായി ബന്ധപ്പെട്ട് കോണ്‍ഗ്രസിന്റെ നേതൃത്വത്തില്‍ പ്രതിപക്ഷ പാര്‍ട്ടികളുടെ യോഗം വിളിച്ചിരുന്നു. മല്ലികാര്‍ജുന്‍ ഖാര്‍ഗെയുടെ ഓഫിസിലായിരുന്നു യോഗം. ഇതില്‍ പങ്കെ ടുത്ത് പുറത്തിറങ്ങുന്നതിനിടെയാണ് അപകടം.
